圓山台灣料理 (Closed)

愈來愈近離開公司的日子，最捨不得的是那些共渡歡笑困難的溫暖好同事，光想起就有點想哭的感覺。吃盡好東西的同事介紹左呢間圓山台灣料理，話之前食過好好食。本身以為會係好似茶木、咖啡弄呢d台灣店嘅裝潢格局，行到去門口，見到位知客打招呼，上到去嘅裝潢格局係中式酒樓，以為自己去左地方，後尾先知呢間酒樓主打台灣、四州、中菜，亦都有點心食。我地呢檯雖然等四個人，但食量千萬唔能夠睇少，足足見左五個菜，五個甜品。泡椒豬手（$52），咪睇d豬手白白淨淨，以為佢唔麻唔辣，其實佢味道十足，麻勁持續好耐，辣係一般人都食到嘅程度！豬手非常入口，肉質非常彈牙，贊！蚵仔煎（$88），同一般食開嘅台式同港式嘅蚵仔煎做法唔同，蚵仔先行炸過後，再拌和蛋醬同蔥花用大火煎。做法唔同，帶來的口感自然迴異，經炸過嘅蚵仔，海鮮嘅鮮味得以原汁原味咁鎖住，外皮酥香，咬落封肉汁四散，蛋皮煎得非常開口而唔過火，配上特調嘅酸辣醬，令人食指大動。台式小炒皇（$128），以料理黎講，呢道菜定價略有小貴。以韭菜、西芹、豆干、腰果、蝦仁、元貝仔同醬汁火炒，廚師調味同技巧拿捏得恰度好處，有鑊氣，而恰好地保留果種食材嘅味道。秘製麻油雞湯（$198），進補對