富泰燒烤樂園

Open Now

Now Closed

能夠去到一個服務又好，環境又優美，而且食物質素唔差嘅燒烤場確實唔易，嚟到呢度只係$100鬆啲每個人，一入到黎，佢哋嘅態度好好，好快起咗爐，我哋每人都有兩張飛可以換飲品。場地非常空礦，可以容納起碼500人，有大型舞台，同埋有兒童可以玩樂嘅充氣池，一家大細喺度共聚天倫就最好不過啦。佢提供左一個筲箕俾我哋可以出去拎啲冷食，就咁望落去食物都有接近40至50款，款款都新鮮製造獨立包裝，唔使整到周圍污糟邋遢。 呢度嘅蔬果都特別新鮮，我最喜歡食青椒，青椒裏面嘅水份好足，唔會因為燒烤嘅熱力而蒸發，証明好新鮮。我仲係呢度見到一隻可愛嘅貓，應該喺呢度飼養嘅好趣緻。呢度仲有師傅親自燒燒豬俾你，價錢不貴，下次一定再嚟試吓先。