뽀끼 正宗韓國小食 (Closed)

老公陪我去廣華覆診。每次經過都必會掃街一返。上次已經見到呢間韓式小店 今次終於一嚐正宗韓式小食。炒年糕配粉絲卷～排隊等緊既時候已經聞到好香 帶點辣味。辣汁微微甜 小小辣 年糕有咬口 QQ 唔會太硬。粉絲卷好香脆 脆口紫菜配上爽口粉絲 幾得意的配搭。沾上辣汁 yummy!!星星炸雞～好好食呀～～外脆內滑 熱辣辣 炸粉好薄 雞肉好入味 而且份量好多 件件大大舊 抵食！韓式熱狗～即叫即炸！入面有腸仔一條 麵包鬆軟 外面炸得好脆 炸起沾上糖 又甜又咸的配搭。再加上茄汁芥末 口感好好。韓式炒粉絲～ 韓菜之中我必食。韮菜 菠菜 菇 青黃椒 簡簡單單 炒得頗香口 而且睇住佢即炒 好有誠意 亦好大碗👍🏻蜜糖牛油薯仔～ 細細粒薯仔 用牛油蜜糖焗 蜜糖味非常香 薯仔皮脆口 裡面又夠軟熟。老闆係韓男 服務好好 好有耐性介紹唔同既小食俾我 讚！