The Point - Pizza & Pasta (將軍澳中心) (Closed)

臨近聖誕，諗緊去邊度食聖誕大餐，見到The point 推出芝士火鍋，咁有節日氣氛。當然想去試下，將軍澳The Point - Pizza & Pasta 地點方便，叫了海鮮芝士火鍋套餐，先來個煙三文魚凱撒沙律，好大碟，兩個龍蝦湯，好濃郁，龍蝦味出，還有龍蝦肉好彈牙。之後主角出場暖笠笠的芝士火鍋，熱燙燙的芝士熱鍋，唔會太稀又唔會太稠，材料有原隻波士頓龍蝦、南非鮑魚仔、大蝦、法國藍青口等，好豪華！大蝦有成6隻，貼心的已碌殻，好爽口，鮑魚好彈牙。食完海鮮，開始食另一層，有車厘茄、黃瓜、青瓜、大蜆殻粉、還有燒過的茄子和南瓜，好香。我地兩人食，其實份量都多，好彩個鍋底味道唔算溜，配上配菜味道恰到好處。當然唔少得沾麵包粒，係食芝士火鍋的精髓，麵包索晒啲湯汁，超溫暖。最後還包了甜品，每樣一款，呍喱拿泡芙，內有冰凍雪糕，沾上朱古力醬更好味。心太軟中間流心朱古力漿，旁邊新奇的加了消化餅碎，增加脆口感。