葫蘆館 (Closed)

薑汁撞奶未必個個都岩，因為有時個陣薑汁味好濃都幾難頂，但是如果天氣凍，聽人講可以驅下寒又暖下胃。呀dee唔抗拒個陣薑汁味，因為食完暖笠笠個感覺真係幾爽。講到食薑汁撞奶，依加好多中式既甜品都冇做，可能因為功夫多所以唔做，寧願做燉奶燉蛋好過，你知個個都要profit maximize ，簡單d 功夫少d turnover 又快d。今日呢間就專食薑汁撞奶，咁當然佢都有其他小食同甜品，涼粉呀飛碟咁，仲有飛碟薑汁撞奶套餐添。佢既薑汁撞奶即叫即撞，係正你面前撞。仲有好多你諗唔到ge口味，朱古力、杏仁、阿華田、好立克等等口味都有，就想推介原味同阿華田味。原味薑汁撞奶原味就好岩食得薑味同埋辣既人（唔好問點解我覺得有辣味），佢個味好重薑，唔係少少吊味得個香字個隻，係辣喉個隻，而且入口好滑，每啖食落去都有暖胃感覺，幾啖就驅曬寒氣。一個好既薑汁撞奶，唔好傻仔咁一上枱就食，要畀時間佢冷卻，唔係就好似飲奶咁架喇。 你睇下佢個撞奶可以頂住隻更，值得一試。阿華田味薑汁撞奶呢個反而就適合冇咁食到薑味朋友，因為佢多左陣阿華田甜味，令到薑味冇咁勁，冇咁「啃」喉，但是相對就冇咁易硬身，有可能凝固唔到，變左阿華田味薑汁撞奶水