NeNe Chicken (大埔超級城) (Closed)

天寒地凍嘅天氣想食啲熱辣辣嘅火鍋，但係又想食韓國菜，就決定去商場入面嘅Nene Chicken試吓。見到餐牌有個韓式宮廷千層鍋圖片咁吸引，即刻叫咗二至三人份量，食完仲可以配以17多款配料打邊爐添。火鍋湯底仲有三款選擇，最後我哋揀選左慢煮韓牛雪濃湯🍲。估唔到千層鍋都幾大鍋，驟眼見到好似一個好大嘅玫瑰花🌹，一層係牛肉、一層係蔬菜🥬，中間位置仲有金菇同埋冬菇，可見廚師👨‍🍳好有心機！終於水滾了，飲一啖湯底有好濃郁嘅牛肉味道，清清地好鮮甜。牛肉質感本身都好軟熟，半肥瘦油脂非常均勻，所以食落去帶一點入口即溶的口感，如果食開濃味、食得辣嘅朋友，可以加一點豉油辣椒，更加滋味。另外再叫了一份NeNe 雙重滋味炸雞，我哋叫咗雙拼🍗兩款口味，食完覺得非常滿足飽肚！最後結帳都只係$400有找，兩人消費每人$200，屬於性價比高的一間韓國餐廳。