阿杏飯團 (新都城中心二期)

Open Now

Now Closed

見到有新店開張，當然唔會錯過。環境光猛，地方整齊企理，裝潢有啲和風色彩，簡樸優雅，座位亦寬敞舒適。主打飯團，亦有幾款飯捲、便當和拌飯，另有飲品和甜品。每款飯團都係現蒸紫米，鮮米手作，好新鮮！紫米黏糯得嚟又有咬口，捲着滿滿的材料，非常豐富。啖啖肉系列嘅廣島黑椒豬扒飯團 （$39）超大豬扒，腍嫩鹹香，配埋肉鬆、脆鬆、生菜、菜甫等材料，拌上原味沙律醬，用料豐富，配搭美味，口感非常豐富，每咬一啖都真係啖啖肉。網紅蟹肉飯團 （$41）用料同樣豐富，中間就捲了一條粗大柔軟的蟹棒，拌了蜜糖芥末醬，好夾！霸氣芒果茶（$36）甜甜酸酸，仲有大量爽口嘅椰果，又飲得又食得，夠飽肚。葡萄冰檸茶 （$30）有青檸香，亦有葡萄酸，酸咪咪，好醒神，不錯！