宮葉 パフェ (Closed)

天氣凍凍地就自然想食碗麵暖暖肚，行經太子準備歸家前，就食碗拉麵暖暖胃。呢碗關西叉燒拉麵睇黎用料都足，叉燒肉眼睇都有4-5塊，每塊都唔係超薄果隻，脂肪比例都唔少令口感偏滑，加上叉燒本身燒過後油香就更易入口。配料方面仲有半熟蛋，蛋白未熟透質感夠滑。金筍片就夠多汁，味道甘甜，紫菜一大片夠脆口，仲有洋蔥絲既青味更刺激胃酸。至於湯底就擁有香濃豚骨味，味濃而不鹹是我喜歡的原因。拉麵用上質地較厚身的拉麵，吸湯力較高所以味道較出，而冬天吃就更暖胃。最後仲有甜品，係芒果拿破倫，一層層蘇皮好鬆化，而中間既芒果肉夠香，仲有吉士醬係中間填滿晒所有空間，係給予胃最甜美既甜點。