Video
Read full review
2010-04-23
24 views
尋晚同男友大人一齊睇openrice見到呢間清真館...好似好正咁...因為呢期我哋兩個好羊...所以今晚同大人喺屋企會合行去試羊宴。其實佢個地址正正喺雷生春對面，都算深水埗地段。羊肉食物款式都算唔少，攪到我同大人都諗咗好耐先取捨到叫咗清燉羊肉湯、草原羊肉粗炒同京蔥羊肉鍋貼，全部外賣，因為小女子想一邊睇肥皂劇一邊食嘛。落完order應該係老闆同個收銀嬸嬸都提我哋至少要等三個字以上，主要當然係即叫即整啦，尤其個鍋貼仲要需時啲。大概真係十幾分鐘有貨攞就立即跳上的士，喺車上途中大人不斷話好香好香。嘻!一返到屋企我第一時間打開個羊肉湯(料同湯分開上)，好香，再呷一啖....好香濃羊味而一啲都唔羶，雖然係咁但係飲落同時有好清嘅感覺，湯料絕不騙場，有大大舊羊肉6件加粉絲一堆仔，羊肉件肉味唔太重，可能用以燉湯嘅關係，不過勝在肉質嫩淋連皮食都好正。不過咪話飲完個湯個胃都暖啲。草原羊肉粗炒，一定要叫草原，因為係老闆介紹，而且佢哋有普通羊肉粗炒。麵質同上海粗炒無異，但係味道就截然不同，香料味真係好難同筆墨形容，真係有種新疆菜風味，而且仲帶微微辣野味非常，餸料嘅羊肉就味重攪到唔知食緊啲咩...肉似牛非牛..
其實佢個地址正正喺雷生春對面，都算深水埗地段。
羊肉食物款式都算唔少，攪到我同大人都諗咗好耐先取捨到叫咗清燉羊肉湯、草原羊肉粗炒同京蔥羊肉鍋貼，全部外賣，因為小女子想一邊睇肥皂劇一邊食嘛。落完order應該係老闆同個收銀嬸嬸都提我哋至少要等三個字以上，主要當然係即叫即整啦，尤其個鍋貼仲要需時啲。
大概真係十幾分鐘有貨攞就立即跳上的士，喺車上途中大人不斷話好香好香。嘻!
一返到屋企我第一時間打開個羊肉湯(料同湯分開上)，好香，再呷一啖....好香濃羊味而一啲都唔羶，雖然係咁但係飲落同時有好清嘅感覺，湯料絕不騙場，有大大舊羊肉6件加粉絲一堆仔，羊肉件肉味唔太重，可能用以燉湯嘅關係，不過勝在肉質嫩淋連皮食都好正。不過咪話飲完個湯個胃都暖啲。
草原羊肉粗炒，一定要叫草原，因為係老闆介紹，而且佢哋有普通羊肉粗炒。麵質同上海粗炒無異，但係味道就截然不同，香料味真係好難同筆墨形容，真係有種新疆菜風味，而且仲帶微微辣野味非常，餸料嘅羊肉就味重攪到唔知食緊啲咩...肉似牛非牛...事實又係羊。而個鍋貼我就冇咩期望(大人指定要叫)，因為我唔太鍾意食啲啲厚皮嘅嘢...一啖咬落去雖然都係一貫鍋貼厚嘅皮，但係啲肉汁就多到不得了，仲吱到成褲係，調味同羊肉好夾有啲蔥香，真係好好味。
食完之後大人話一定要encore...我都係咁話....下次我一定要試羊肉餅同咖喱羊。
Post
