Video
Read full review
2018-03-20
270 views
尋晚同好姊妹們聚會，旺角是必然首選，之前試過另一間養心殿分店，印象唔錯，又啱哂最近凍返的天氣，一於就決定你啦。一坐下，先揀湯底，我地一行4人都嗜辣，當然要選麻辣鍋，另外因為唔想太寡，所以再選了酸菜白肉鍋（雙拼$128）。等待上菜的同時，就去醬料吧自行裝醬料，可惜是醬料只有較基本的組合(蔥花、辣椒、蒜泥等)，沒有我最愛的麻醬，醬料不是免費的，人頭一個要$20，所以如果可以再多幾款港人愛好醬汁就更perfect！ 5分鐘左右，鍋就上檯喇。麻辣鍋超香，叫左中辣，上台見到浮住一層辣椒都嚇左一跳，入口果然好辣好過癮！而 酸菜白肉鍋材料好豐富，撈一撈，撈到好多酸菜絲同埋腩肉片，酸酸咪咪既湯底勁開胃，令人食慾大增。餐廳生意唔錯，但侍應反應同上菜速度都很快，大加分！叫左不少菜式，選幾樣最鍾意嘅分享下。呢樣係朋友推薦的鴨血，叫麻辣鍋會送，麻辣鍋同鴨血真係很夾，一碟份量也很多。口感軟嫩唔腥，同豬紅煮得耐會硬係兩回事，無論係個煲煲幾耐都唔會硬。丸既賣相好靚，每款4粒剛剛夠試哂全部口味，墨魚丸（$48 半份）望落普通但內有乾坤，入面包有鵝肝，驚喜！深紅色既係芝士牛肉丸 （$48 半份） ，小心落入煲既時候千其
一坐下，先揀湯底，我地一行4人都嗜辣，當然要選麻辣鍋，另外因為唔想太寡，所以再選了酸菜白肉鍋（雙拼$128）。
等待上菜的同時，就去醬料吧自行裝醬料，可惜是醬料只有較基本的組合(蔥花、辣椒、蒜泥等)，沒有我最愛的麻醬，醬料不是免費的，人頭一個要$20，所以如果可以再多幾款港人愛好醬汁就更perfect！
麻辣拼酸菜白肉鍋
$128
20 views
0 likes
0 comments
5分鐘左右，鍋就上檯喇。麻辣鍋超香，叫左中辣，上台見到浮住一層辣椒都嚇左一跳，入口果然好辣好過癮！而 酸菜白肉鍋材料好豐富，撈一撈，撈到好多酸菜絲同埋腩肉片，酸酸咪咪既湯底勁開胃，令人食慾大增。
餐廳生意唔錯，但侍應反應同上菜速度都很快，大加分！叫左不少菜式，選幾樣最鍾意嘅分享下。
鴨血
27 views
0 likes
0 comments
呢樣係朋友推薦的鴨血，叫麻辣鍋會送，麻辣鍋同鴨血真係很夾，一碟份量也很多。口感軟嫩唔腥，同豬紅煮得耐會硬係兩回事，無論係個煲煲幾耐都唔會硬。
21 views
0 likes
0 comments
丸既賣相好靚，每款4粒剛剛夠試哂全部口味，墨魚丸（$48 半份）望落普通但內有乾坤，入面包有鵝肝，驚喜！深紅色既係芝士牛肉丸 （$48 半份） ，小心落入煲既時候千其唔好拮穿佢，唔係入面既芝士滾下滾下就溜走曬架啦！口感幾特別，咬開有流心芝士效果。不過我最喜歡既就係梅菜豬肉丸 （$36 半份） ，梅菜蒸肉餅就試得多，整成肉丸味道都好夾，彈牙好味。
千層凍豆腐
$48
20 views
0 likes
0 comments
千層凍豆腐睇落就冇咩特別，但其實超索湯汁，同平時食到純白色的豆腐不同，而且煮耐左都不易爛，推薦。
霜降肉眼肥牛
$178
29 views
0 likes
0 comments
霜降肉眼肥牛，雖然價錢唔算平，好彩份量搭夠。雖然係肥牛但脂肪唔算太多，所以口感比較實在。食落口牛味濃沒有雪藏味，雖然薄切但每塊都大大塊。
寬粉條
$38
40 views
0 likes
0 comments
本身酸菜白肉鍋中已有寬粉條，但實在太好食，所以我地追加了一碟，寬粉條係Menu入面既英文譯名係QQ Noodle，非常形象化，入口真係好Q好啫喱，吸收曬麻辣鍋同酸菜鍋湯底精華，無論食邊一隻都各有風味。
最後最後，喺我地準備埋單之際，待應拎左杯百香果沙冰俾我地作甜品，每人一小杯，十分驚喜，飲完即刻覺得個人清新哂，係又一加分位。老實講價位唔算平，但係確實材料係高質，味道都OK，至少省左程機票飛台灣啊嘛！
Post
