Video
Read full review
2022-08-26
45 views
之前有朋友食過，非常推介呢度個厚切叉燒，難得收早就捉埋為食同事一齊黎試試。原來呢間拉麵店嚟自日本東京，主打辣麻味噌拉麵。6:30PM黎到未算繁忙，店面裝潢有特式，走暗黑路線，布滿了日式妖怪面具及吊飾，Bar枱有日本feel。坐低店員就比左個QR code 我地自助落單，點餐先知原來湯底有五級麻度同五級辣度選擇。同事知我食得辣叫我試鬼增辣鬼增麻🔥但我有d淆底最後只係叫左中辣中麻。佢自己就話要試清楚湯底原味，所以叫無辣無麻。🔥芫荽辣麻味噌拉麵 (中辣中麻)貪佢香d叫個有芫荽既，先飲個湯，橙紅色夠濃郁，但就冇想像中咁辣，有麻香，芫荽既清親中和左油膩感。🌿麵條方面幾粗身，彈牙有口感，份量比一般拉麵店多。🍜主角叉燒亦非一般🍖厚切五花腩成舊東波肉咁。一層層既五花肉，肥美香口又入味👍🏻朋友真係無介紹錯。雖然好有罪惡感，但食得好滿足，最多做番多啲運動補數。味玉(鹵蛋) 都係食拉麵必食既配料。一啖咬落去就見到鮮橙紅色既流心蛋黃，creamy又入味，正呀。🥚🥚🥚🔥炒豆芽菜辣麻味噌拉麵 (無辣無麻)無辣油既味噌湯底睇落依然香濃，佢話飲落麻油香好重好正。大量脹卜卜既炒豆芽菜鋪面，賣相都好吸引。芽菜同玉米荀🌽鮮
原來呢間拉麵店嚟自日本東京，主打辣麻味噌拉麵。6:30PM黎到未算繁忙，店面裝潢有特式，走暗黑路線，布滿了日式妖怪面具及吊飾，Bar枱有日本feel。坐低店員就比左個QR code 我地自助落單，點餐先知原來湯底有五級麻度同五級辣度選擇。
同事知我食得辣叫我試鬼增辣鬼增麻🔥但我有d淆底最後只係叫左中辣中麻。佢自己就話要試清楚湯底原味，所以叫無辣無麻。
4 views
0 likes
0 comments
🔥芫荽辣麻味噌拉麵 (中辣中麻)
貪佢香d叫個有芫荽既，先飲個湯，橙紅色夠濃郁，但就冇想像中咁辣，有麻香，芫荽既清親中和左油膩感。🌿
麵條方面幾粗身，彈牙有口感，份量比一般拉麵店多。🍜
主角叉燒亦非一般🍖厚切五花腩成舊東波肉咁。一層層既五花肉，肥美香口又入味👍🏻朋友真係無介紹錯。雖然好有罪惡感，但食得好滿足，最多做番多啲運動補數。
6 views
0 likes
0 comments
味玉(鹵蛋) 都係食拉麵必食既配料。一啖咬落去就見到鮮橙紅色既流心蛋黃，creamy又入味，正呀。🥚🥚🥚
2 views
0 likes
0 comments
🔥炒豆芽菜辣麻味噌拉麵 (無辣無麻)
無辣油既味噌湯底睇落依然香濃，佢話飲落麻油香好重好正。大量脹卜卜既炒豆芽菜鋪面，賣相都好吸引。芽菜同玉米荀🌽鮮甜爽脆，同樣有解膩既作用😉同事同我一樣，對厚厚既叉燒都一試難忘😍
值得一提係枱上面一個神秘調味粉。以為只係普通七味粉，倒少少出黎颜色青青灰灰咁，聞落少少似黑椒。一問之下，原來係山椒粉，店員話撒少少落麵度，麻香味會更重，親身一試，真係幾香。
8 views
0 likes
0 comments
另外，呢度除左裝修，餐具亦都非常之有心思，碗上惡鬼圖案👺，飲得哂啲湯既話，重會見到碗底既日文，半桶水嘅日文程度既同事話估計係「辛」同「麻」咁上下既意思🤣都好配合主題🥳
Post
