釜山炸雞批薩

Open Now

Now Closed

馬鞍山依間「釜山炸雞比薩Busan Chicken Pizza」係區內人氣小店，令我都忍唔住去試下，一睇到Menu，就俾佢嘅五味炸雞吸引住，感覺好震撼、好大份，所以就揀外賣翻屋企同家人Share嚟食。五味炸雞（單點$239），每款口味各有五件炸雞洋蔥蛋黃炸雞醬汁口感稠身，味道清甜；特色甜辣炸雞食落好惹味；經典原味炸雞肉質外酥脆內嫩滑，食落啖啖肉；蜜糖芥末炸雞蜜糖味道淡香，芥末味道濃郁；雙重芝味炸雞表面鋪有芝士粉，味道香甜。泡菜煎餅（單點$88），泡菜份量多，煎餅口感外香脆內煙韌，味道酸辣，配以韓式煎餅沾醬食用，味道偏鹹帶酸。雪濃牛骨湯配黑芝麻白飯（單點$88），採用牛骨慢煮熬出乳白湯色牛骨湯，牛肉肉質嫩滑，牛味濃厚，內有韓式粉絲、雞蛋、香蔥，味道清淡，配以胡椒粉食用，牛骨湯底鮮味更加突出。豆腐湯配黑芝麻白飯（單點$88），好足料，內有蜆肉、牛肉、豆腐、泡菜、節瓜、芽菜、金針菇、冬菇、紅蘿蔔、香蔥，豆腐口感滑溜，湯底味道香辣，白飯口感軟硬適中。炸醬麵（單點$68），表面鋪滿青瓜絲、芝麻、炸醬，內有牛肉、洋蔥、青豆、馬鈴薯、紅蘿蔔、節瓜、香蔥，炸醬味道甜鹹，麵條口感爽滑，容易掛汁，配以醃黃