Video
Read full review
2021-04-03
152 views
平日出街食野都好鍾意飲返杯🍻呢幾年多左好多唔同種類嘅手工啤🤤本地品牌好多都試過哂喇，今日搵到間主打台灣過江龍嘅精釀啤酒專門店 @Zhangmenhk，佢地最近重搞緊🍺台灣精釀啤酒節🍺梗係要入去飲餐飽啦！手工啤有成20款咁多😱😱重要隻隻都係on tap！！！保證新鮮👍🏻唔同坊間有啲鋪頭用玻璃樽上或者開一罐出嚟倒俾你🤪因為花多眼亂，有選擇困難嘅我最後揀左一set六小杯嘅Beer Platter $238🤭等我可以試多幾隻味🍺六杯啤酒分別由六間唔同嘅啤酒廠精釀🤩唔講都唔知原來台灣啤酒有咁多選擇😍😍🍺紅龍果柳丁酸啤 @五十五街啤酒嘅顏色係勁夢幻嘅粉紅色💕打卡一流！飲落去酸酸地，好清新！估唔到用生果整嘅啤酒可以咁易入口，一d苦澀味都冇，岩哂d平時唔飲啤酒嘅朋友！🍺小暑茉莉花社交型啤酒 @啤酒頭呢款啤酒嘅名好特別😆啤酒係金黃色閃閃發光，用嘅茉莉花產自台灣當地，聞落去真係有陣茉莉花香😌一樣係清新易入口，飲到尾重有少少啤酒花嘅回甘👍🏻🍺馬告白啤酒 @蔡氏釀酒就咁睇個名，唔好以為有隻🐴告白呀🤣馬告其實係山胡椒咁解，呢隻啤酒加入左唔同嘅香料，飲落少少苦之餘重帶點香茅檸檬嘅味道🥰岩哂d食肉獸一路食一路飲😆🍺
手工啤有成20款咁多😱😱重要隻隻都係on tap！！！保證新鮮👍🏻唔同坊間有啲鋪頭用玻璃樽上或者開一罐出嚟倒俾你🤪因為花多眼亂，有選擇困難嘅我最後揀左一set六小杯嘅Beer Platter $238🤭等我可以試多幾隻味🍺六杯啤酒分別由六間唔同嘅啤酒廠精釀🤩唔講都唔知原來台灣啤酒有咁多選擇😍😍
🍺紅龍果柳丁酸啤 @五十五街
啤酒嘅顏色係勁夢幻嘅粉紅色💕打卡一流！飲落去酸酸地，好清新！估唔到用生果整嘅啤酒可以咁易入口，一d苦澀味都冇，岩哂d平時唔飲啤酒嘅朋友！
🍺小暑茉莉花社交型啤酒 @啤酒頭
呢款啤酒嘅名好特別😆啤酒係金黃色閃閃發光，用嘅茉莉花產自台灣當地，聞落去真係有陣茉莉花香😌一樣係清新易入口，飲到尾重有少少啤酒花嘅回甘👍🏻
🍺馬告白啤酒 @蔡氏釀酒
就咁睇個名，唔好以為有隻🐴告白呀🤣馬告其實係山胡椒咁解，呢隻啤酒加入左唔同嘅香料，飲落少少苦之餘重帶點香茅檸檬嘅味道🥰岩哂d食肉獸一路食一路飲😆
🍺暗黑蜂蜜啤酒 @金色三麥
第一眼睇落去見個顏色咁深以為會好似黑啤咁，但飲落去完全係另一回事😱因為加左深色麥芽釀制，所以啤酒深色得黎又帶點甜，令人一試難忘！
🍺百香果酒花 @吉姆老爹
平時飲手工啤鍾意揀IPA，因為最鍾意個陣啤酒花嘅味道，呢隻手工啤加入左台灣產嘅百香果，喺其他地方比較少見，估唔到百開果同啤酒花嘅味咁夾，超香，掛住聞都唔捨得飲😂
🍺蚵仔黑 @酉鬼啤酒
你冇睇錯呀🤪呢隻黑啤真係用左蠔殼蠔肉去釀制😆但唔洗擔心😂飲落去完全冇蠔味，反而有陣朱古力/咖啡嘅香味，幾特別，鍾意飲啤酒嘅人一定要試呀！
飲🍺當然要叫返d小食，一路飲一路先至過癮😋呢度都有幾多唔同種類嘅燒烤肉類/串燒/炸物揀，我地就揀左⋯⋯
🍍燒菠蘿（兩串）$30
🐮燒牛舌（兩串）$58
🐑燒新疆羊肉串（兩串）$42
🍄鹽酥香菇 $68
🐷泰式豬頸肉 $92
串燒全部都燒得剛好，食落唔會太乾太韌👍🏻鹽酥菇新鮮熱辣真係好好食，係每次去親台灣旅行都會買嘅街頭小食，而家冇得去唯有喺度食啦😋燒牛舌都好正😍另外泰式豬頸肉都幾抵食，舊舊都厚切🤤送酒一流呀🍻🍻
最後唔夠喉再叫多左杯🍑快樂的蜜桃🍑 $108
因為係Fruit Beer，所以都係容易入口，有蜜桃汁嘅味道但又唔會太甜🤭
呢度嘅店員全部都好專業，個個都有品酒師牌，會教你由邊杯飲起，邊杯酒同咩食物夾，等你飲完之後又會講解返頭先杯啤酒有咩特別之處！想了解多d手工啤嘅人一定要黎試下！呢度重有會員制，一登記入會就送薯條/啤酒，儲夠分重可以換其他小食同啤酒添，以後吹水嘅落腳點又多一個喇😄
Post
