Video
Read full review
2022-08-21
45 views
香港好食嘅burger何其多，但係食黎食去肥妹仔都搵唔到心目中覺得最好食嘅一間。但係今日，肥妹仔終於可以好驕傲同好大聲講出嚟:我終於搵到啦！呢一間burger店係肥妹仔嘅朋友推介！今日星期六放假，所以肥妹仔一早就去咗鰂魚涌呢一間漢堡小食店度覓食！肥妹仔同肥家姐分別每人揀咗兩個漢堡，第一個係特選美國牛肉漢堡，第二個係西檸雞寶，食完真係返唔到轉頭，食唔番大型連鎖店或者其他舖頭嘅burger了。特選美國牛肉漢堡 $78+ 20佢嘅牛肉調味唔重，肉味超級香濃，咬落去肉汁係爆出嚟，嚇死人！再加上佢個包用咗牛油然後輕輕煎香，牛油香甜再加上車打芝士同好甜嘅焦糖洋蔥，唔好食都難！加埋牛油果，生菜，蕃茄等配料，本身已經唔肥膩嘅牛肉漢堡增添一種清新嘅氣息，簡直就係完美。西檸雞堡 $68+20呢一個雞堡又係冇得輸！先講佢嘅雞扒，真係超級好嫩滑，外皮炸到脆卜卜，就食佢塊雞扒已經頂唔順！而且配埋好fresh嘅西檸醬，食到高潮呀！蒜香炸雞翼 $35其實炸雞翼好難唔好食，但係令人覺得驚嘆嘅地方係佢嘅雞翼好大隻之餘，個外皮一啲都唔厚粉，蒜香味勁濃！炸薯條今餐嘅炸薯條份量多到驚人，冇乜好講，真係勝在夠新鮮同埋係粗薯，熱
呢一間burger店係肥妹仔嘅朋友推介！今日星期六放假，所以肥妹仔一早就去咗鰂魚涌呢一間漢堡小食店度覓食！肥妹仔同肥家姐分別每人揀咗兩個漢堡，第一個係特選美國牛肉漢堡，第二個係西檸雞寶，食完真係返唔到轉頭，食唔番大型連鎖店或者其他舖頭嘅burger了。
特選美國牛肉漢堡 $78+ 20
佢嘅牛肉調味唔重，肉味超級香濃，咬落去肉汁係爆出嚟，嚇死人！再加上佢個包用咗牛油然後輕輕煎香，牛油香甜再加上車打芝士同好甜嘅焦糖洋蔥，唔好食都難！加埋牛油果，生菜，蕃茄等配料，本身已經唔肥膩嘅牛肉漢堡增添一種清新嘅氣息，簡直就係完美。
西檸雞堡 $68+20
呢一個雞堡又係冇得輸！先講佢嘅雞扒，真係超級好嫩滑，外皮炸到脆卜卜，就食佢塊雞扒已經頂唔順！而且配埋好fresh嘅西檸醬，食到高潮呀！
蒜香炸雞翼 $35
其實炸雞翼好難唔好食，但係令人覺得驚嘆嘅地方係佢嘅雞翼好大隻之餘，個外皮一啲都唔厚粉，蒜香味勁濃！
炸薯條
今餐嘅炸薯條份量多到驚人，冇乜好講，真係勝在夠新鮮同埋係粗薯，熱辣辣點會難食？
田園沙律 $40
本身呢一個沙律只係令肥妹仔同肥家姐嘅良心好過啲，點知食埋又係令人地好驚嘆！沙律菜好新鮮，夠乾爽，加埋沙律dressing同埋佢好特別配上紅番石榴粒，好好食！
$100
2 views
0 likes
0 comments
Post
