Video
Read full review
2018-01-02
348 views
聖誕長假期無特別節目，特登慕名而來。渲染自小女子娘親嘅愛好，我都中意飲茶，以至飲珍珠奶茶都對茶味呢一part有頗高要求。店家一樽樽茶葉sample放起收銀旁邊，可見佢地對自己嘅茶葉相當有信心。我一去到就主攻伯爵茶葉，sample入面有一點點藍色嘅花，傳出好真嘅伯爵香氣，所以我都無8掛其他茶葉，直接就走去落單：伯爵奶茶 少冰少甜茶濃加珍珠（+$5 requested黑珍珠only）因為佢係用茶葉即叫即沖 所以就算我前面並無其他order, 等待嘅時間都較為耐。其間我望到poster 有伯爵茶軟雪糕（$22），問準首領後就要左支試下。雪糕茶味香濃，甜度適當，味道泥講係高分嘅，但敗筆於質地過油，無左食雪糕嗰份 爽 嘅感覺。我就唔會再買🙃。到到我杯茶到手 出品夠大杯 雖然落單時要求少冰，仍稍嫌冰量過少，冰量有如 天仁 嘅「去冰」程度。所以下次我唔會要求少冰嚕。珍珠方面 珍珠係𡁻得耐會溶嘅安心珍珠，夠煙韌亦夠軟糯，口感同 天仁 相似，但味道稍嫌清淡，無 天仁 所擁有嘅黑糖優勢；茶味方面 口感濃厚，濃度同甜度都令人十分滿意，呑咽過後口腔內仍有突出嘅伯爵茶香逗留，比 貢茶 那薄薄稀稀的雷格奶茶出色甚
渲染自小女子娘親嘅愛好，我都中意飲茶，以至飲珍珠奶茶都對茶味呢一part有頗高要求。
店家一樽樽茶葉sample放起收銀旁邊，可見佢地對自己嘅茶葉相當有信心。我一去到就主攻伯爵茶葉，sample入面有一點點藍色嘅花，傳出好真嘅伯爵香氣，所以我都無8掛其他茶葉，直接就走去落單：伯爵奶茶 少冰少甜茶濃加珍珠（+$5 requested黑珍珠only）
因為佢係用茶葉即叫即沖 所以就算我前面並無其他order, 等待嘅時間都較為耐。其間我望到poster 有伯爵茶軟雪糕（$22），問準首領後就要左支試下。雪糕茶味香濃，甜度適當，味道泥講係高分嘅，但敗筆於質地過油，無左食雪糕嗰份 爽 嘅感覺。我就唔會再買🙃。
到到我杯茶到手 出品夠大杯 雖然落單時要求少冰，仍稍嫌冰量過少，冰量有如 天仁 嘅「去冰」程度。所以下次我唔會要求少冰嚕。
珍珠方面 珍珠係𡁻得耐會溶嘅安心珍珠，夠煙韌亦夠軟糯，口感同 天仁 相似，但味道稍嫌清淡，無 天仁 所擁有嘅黑糖優勢；茶味方面 口感濃厚，濃度同甜度都令人十分滿意，呑咽過後口腔內仍有突出嘅伯爵茶香逗留，比 貢茶 那薄薄稀稀的雷格奶茶出色甚許，亦更比西式餐廳的伯爵茶包加奶的成品贏9條街。係我暫時榜首嘅伯爵奶茶同我一樣係伯爵茶粉絲嘅你 值得一試啊！
Post