幸福週末 (Closed)

黑糖珍珠鮮奶$30季節水果茶$32喺銅鑼灣著名嘅黑糖掛杯珍珠奶茶巷，見到呢間叫做幸福週末，個名好似好熟悉，但我見到佢門口有好大個裝置，原來係人手即場炒黑糖，似乎都好信得過，佢地黑糖真係人手炒出嚟冇呃人。由於我哋食完晚飯先至去，所以人流唔算太多，好快就買到，我要左一杯黑糖珍珠鮮奶，而朋友就要咗季節水果茶，價錢上來講佢唔算貴，尤其是最近大集團都跟風要喺茶飲市場中分一杯羹，而家嘅茶飲價格越嚟越貴，但以一杯黑糖珍珠鮮奶來講，$30一杯,我絕對可以接受。好快，我杯黑糖珍珠鮮奶就到手啦，首先要影相打卡，將黑糖形成嘅虎紋擺上網先，然之後就要將佢徹底攪勻，將下底嘅黑糖同鮮奶徹底攪勻。飲落味道完全不會太甜，有一些甜甜焦香，而且鮮奶好滑，我都有飲過另外兩間好出名嘅店舖，可能其他店舖實在太有名氣，所以質素真係非常參差，或者正因為係咁，所以我覺得幸福週末嘅黑糖珍珠反而比起那些有名氣嘅更加好飲，起碼我飲完唔會覺得口渴，又唔會太甜，而且佢真係好香滑，加上好有口感同彈牙嘅珍珠，呢間野完全令我感到好驚喜。朋友話佢杯水果茶都好飲。後來見到有雜誌訪問，先至記起佢呢個鋪位之前係香港幸福堂嘅，但係訪問中老闆話佢其實並唔係香港