Video
Read full review
2021-09-16
110 views
之前一直有聽過佢嘅大名，今次終於有機會去試下。簡單講就係暫時食過最好食嘅米線。地點好近尖沙咀地鐵站，B出口行2分鐘都唔使。不過要提一提嘅就係大家唔好咁傻豬豬行樓梯上去，佢左邊係有升降機的。我哋第一次就係行樓梯上去，作為一個好少運動嘅人都咪話唔辛苦。餐廳基本上全部都係卡位，坐落都幾舒服。重點係佢入面播緊啲歌全部都好對我嘅口味，舊嘅廣東歌又有，英文歌都有，就連一啲比較舊嘅TVB電視劇主題曲都有。聽起來舒服嘅同時都可以成為同朋友之間傾計嘅話題，呢部分真係想畀滿分佢。 整體嚟講環境十分舒服。而且職員態度都唔錯，我哋問咗好多問題都好有耐性咁答我哋。呢一點真係要加分 ! 跟住落嚟終於要到戲肉。第一次食我叫咗個豆卜蘿蔔米線，因為我聽人哋講呢度嘅蘿蔔好出名同埋我鍾意食豆卜。跟住見到碗米線上台嗰一下，我心入面嘩咗一聲，好多韭菜阿!!! 因為我鍾意食韭菜所以我寫咗要多韭菜，但冇諗過有咁多。所以話呢間餐廳真係夠曬足料。我叫咗普通酸小辣。可能因為小辣嘅關係，個酸味太突出，辣味同譚仔三哥嘅五小辣差唔多。但係因為有好多肉碎導致成個米線真係好香好好食。豆卜就一般啦，冇咩特別。個蘿蔔OK好食，有少少甜味。米線同雲
地點好近尖沙咀地鐵站，B出口行2分鐘都唔使。不過要提一提嘅就係大家唔好咁傻豬豬行樓梯上去，佢左邊係有升降機的。我哋第一次就係行樓梯上去，作為一個好少運動嘅人都咪話唔辛苦。
餐廳基本上全部都係卡位，坐落都幾舒服。重點係佢入面播緊啲歌全部都好對我嘅口味，舊嘅廣東歌又有，英文歌都有，就連一啲比較舊嘅TVB電視劇主題曲都有。聽起來舒服嘅同時都可以成為同朋友之間傾計嘅話題，呢部分真係想畀滿分佢。
整體嚟講環境十分舒服。而且職員態度都唔錯，我哋問咗好多問題都好有耐性咁答我哋。呢一點真係要加分 !
跟住落嚟終於要到戲肉。第一次食我叫咗個豆卜蘿蔔米線，因為我聽人哋講呢度嘅蘿蔔好出名同埋我鍾意食豆卜。跟住見到碗米線上台嗰一下，我心入面嘩咗一聲，好多韭菜阿!!! 因為我鍾意食韭菜所以我寫咗要多韭菜，但冇諗過有咁多。所以話呢間餐廳真係夠曬足料。
我叫咗普通酸小辣。可能因為小辣嘅關係，個酸味太突出，辣味同譚仔三哥嘅五小辣差唔多。但係因為有好多肉碎導致成個米線真係好香好好食。豆卜就一般啦，冇咩特別。個蘿蔔OK好食，有少少甜味。米線同雲桂香差唔多，算係偏軟。
因為太好食，所以我第二日同朋友一齊去食。今次我挑戰中辣，結論就係如果你平時食開辣可以直接挑戰大辣，佢嘅中辣同小辣差唔多，搞到我懷疑佢係咪搞錯咗張單。今次我哋有叫唐生菜同油麥菜，唐生菜就普普通通啦。但係佢油麥菜幾好食，幾爽口。夾起來撈撈個湯仲好食。
Overall，十分推薦平時鍾意食雲桂香同譚仔三哥嘅朋友去試試。引用返我朋友所講，佢個湯底就好似落咗大麻一樣好食，會令人上癮。
Post