傳承清湯腩專家

Open Now

Now Closed

標榜新鮮騸牯牛，果然係與別不同，牛味十足而且有彈性，煮理過後淋軟。1340到店，等了10分鐘可進埸，不過崩沙腩牛爽腩已經賣曬，(1230開店，店員建議排隊等開門，有機會食到)。唯有叫佢圖一牛坑腩麵，牛坑腩好食淋軟，加$12有三條牛蒡，牛蒡粉粉糯糯的，麵就正常比較幼。相比起圖二牛腩麵加$12粉腸賣相更吸引，牛腩大嚿口感十足，粉腸一樣淋身入味，視覺份量比較多。值得讚許牛骨湯底鮮甜好味，我差唔多飲晒成碗湯。期待下次牛爽腩牛坑腩。溫馨提醒座位超級擠迫，10個座位左右，而且冷氣不足。食麵有免費支裝水提供，要自己自取。