奈雪の茶 (Closed)

呢日同朋友由山頂行去西高山，行完兩個鐘之後落返嚟山頂廣場，見到呢一間奈雪之茶，朋友就話想飲杯嘢先返落山，見自己都好耐冇飲過呢類型嘅特色飲品，而且見到呢間店有我最喜愛既奶蓋茶，之後決定要飲一飲。可能因為當日係星期六嘅關係，所以店入面人山人海，感覺要搵個位都有難度，單單係排隊去買杯飲品都要排至少5分鐘，今次就叫咗霸氣芝士芒果 650ml （$45），店員會比一個響鬧器你，當飲品準備好時就會通知你，大約等了10至15分鐘就可以攞了。霸氣芝士芒果 650ml （$45）這杯飲品的份量十足，不過感覺熱量超高，每一啖都係罪惡感，面層嘅芝士奶蓋味道濃郁、夠哂creamy，令我有一種想單獨叫一杯芝士奶蓋飲的衝動，要芒果茶有芒果的甜味亦有茶的香味，甜而不樓，飲得順口舒服。總括而言，味道真係唔錯，而且夠晒大杯，隨時飲完一杯都唔使食飯，而且見到店內仲有好多看似吸引的麵包可供選購，不過由於啱啱行完山做完運動，唔想食得太過分，所以就冇買，另外，只有山頂一間店，地點不太方便，但下次來到山頂依然會光顧。