Holly Brown (Closed)

炒雪糕呢個gimmick成功地進駐香港啦！之前想食炒雪糕可能要去泰國、日本等地方先食到，而家好方便吖，香港都有啦！呢一晚我地3個女仔食飽飽轉場，係呀...落大雨轉場啊！去左Holly Brown K11店，店仔細細已經迫爆人啦！唔好講咁多，馬上搵位揀雪糕先(笑)。其實我揀雪糕好簡單的，有鮮果肉我就中意架啦！相反我就唔太中意朱古力味，但如果係唔苦既話我都接受到的。店內既gelato有20幾款咁多，有選擇困難症既朋友要小心喔。今次我地揀左Oh Fudge & Berry Overload。Order好之後店員會將雪糕同材料喺零下18-20度既雲石板到炒，再放入窩夫杯上。Oh Fudge係朱古力口味，朱古力味雪糕內有碎碎朱古力，brownies & 朱古力醬，喜歡朱古力既朋友必試，朱古力味非常濃厚，我覺得唔算苦，但偏甜，都可接受到，不過我食得唔多(爆)。至於Berry Overload內有草莓、藍莓、紅莓等果肉，果肉份量都算多啊！酸酸既莓味，配上甜甜既雪糕，甜度剛好，我都幾中意啊！不過個窩夫杯就林左，如果keep到每個窩夫杯都脆脆就更好了。愛gelato意式雪糕，因為脂肪比一般雪糕少，加上炒