Video
Read full review
2021-03-11
1719 views
Outback 相信大家都食過，大埔開店後第一次去食估唔到甘失望...5:30遠遠已經見到勁多人，想拎飛但完全唔知邊到，因為reception 有一條人龍，排左陣先發現原來拎飛唔使排既...現場好多人都嘈緊，因為入面有位但唔放人，所有人堆晒門口。Staff解釋要清潔完個area先入得，係疫情下注重清潔係好事，但安排太混亂啦🙈等咗一段時間終於入得，唔想諗食咩，直接叫2個2人餐算~ 黑糖麵包：係其他分店食開都係熱辣辣，但呢間係已經放涼晒...之後再問staff要多條，話等出爐再俾，結果佢冇左件事🌝是日餐湯-粟米忌廉湯：好多料，湯係好稠，所以忌廉味重，應該係罐頭湯公司沙律：咩菜都有d，紅蘿蔔唔知點解要切到勁長😂醬汁個人幾中意，酸酸甜甜咁然後突然上左碟牛扒加焗薯，以為唔跟圖片鐵板再諗吓唔對路，我哋個餐有龍蝦㗎啵？問staff要解釋一輪先識去check 單，check完話俾錯就直接收走左...well...唔知佢會點處理呢碟牛扒呢 🤢(個陣食緊野除左口罩..)之後好快上意粉同飯，呢個時候枱已冇咩位...點知下秒上埋燒雞，再暴風式上埋牛扒...好似趕人走咁香草蕃茄海鮮意粉：入面有香草蝦，醬好濃幾好
5:30遠遠已經見到勁多人，想拎飛但完全唔知邊到，因為reception 有一條人龍，排左陣先發現原來拎飛唔使排既...
現場好多人都嘈緊，因為入面有位但唔放人，所有人堆晒門口。Staff解釋要清潔完個area先入得，係疫情下注重清潔係好事，但安排太混亂啦🙈
等咗一段時間終於入得，唔想諗食咩，直接叫2個2人餐算~
黑糖麵包：
係其他分店食開都係熱辣辣，但呢間係已經放涼晒...之後再問staff要多條，話等出爐再俾，結果佢冇左件事🌝
是日餐湯-粟米忌廉湯：
好多料，湯係好稠，所以忌廉味重，應該係罐頭湯
公司沙律：
咩菜都有d，紅蘿蔔唔知點解要切到勁長😂醬汁個人幾中意，酸酸甜甜咁
然後突然上左碟牛扒加焗薯，以為唔跟圖片鐵板再諗吓唔對路，我哋個餐有龍蝦㗎啵？
問staff要解釋一輪先識去check 單，check完話俾錯就直接收走左...well...唔知佢會點處理呢碟牛扒呢 🤢(個陣食緊野除左口罩..)
之後好快上意粉同飯，呢個時候枱已冇咩位...
點知下秒上埋燒雞，再暴風式上埋牛扒...好似趕人走咁
香草蕃茄海鮮意粉：
入面有香草蝦，醬好濃幾好食，另外有青口，但青口殼碎係意粉入面...海鮮都算多
蕃茄醬普通
燒美國帶子煙肉白汁燴飯：
呢個比意粉好食，白汁充分同飯mix埋，份量適中
帶子煙肉幾好味
燒肉醬味豬肋骨配烤雞：
豬肋骨燒到好乾，味道唔均勻，有啲冇味有啲咸
烤雞表面有用醃料，燒得幾好，唔算太乾
美國頂級紐約牛扒拼加拿大龍蝦尾：
頂級？已經係叫半成熟，但因為肉質問題，加埋鐵板好快烤乾，好韌
龍蝦有調過味，不過不失。
配菜烤太蕉帶有苦味
總結：卡位枱窄放4人份量好逼，大部分staff都好似新手泥，冇接受training 咁。食物質素普通，但2人餐份量都多。下次都係去其他分店食算。
Post
