Video
Read full review
2015-06-16
340 views
兩口子做完運動醫醫肚就趕緊返去休息，好睏喇！再次黎到曉廚，最緊要快靚正又抵食。除左位收銀叔叔外全部師傅都係新面孔噃，outlook 比上一代 young 好多，唔知出品如何呢？叫兩個餐有點心有飯有菜有野飲，再散叫多個盅頭飯，$130 有找？係銅鑼灣區抵食到出奇，加 $18 蚊有埋紫砂燉湯添，但依家都差不多九點半，賣晒嚕，無緣，失望。調味醬料都好齊全，我要自家甜豉油、自家辣椒油、豆瓣醬夠晒。甜豉油撈蒸飯，再撈埋辣椒渣超惹味！豆瓣醬、自家辣椒油配蝦餃、燒賣或潮州粉果同樣出色。肚餓到打晒鼓，立即起動，我唔客氣喇！即炒蒜蓉菜芯，菜芯堅靚，潮州粉麵舖無得比！即炒勁有鑊氣，香噴噴送到。炸蒜好香口，菜芯翠綠爽甜，充滿水份，忍唔住一綑綑咁塞入口，正到爆！蟹籽燒賣，冒住煙出場，氣勢都贏左大半啦！顏色鮮明奪目，賣相討好，見到已經流晒口水！燒賣係我最鍾意既點心之一，因為啖啖肉囉！無須猶豫，成粒啪入口，頓時爆汁！質地結實充滿肉汁，真材實料，仲帶淡淡蟹籽清香，回味無窮。水晶蝦餃，即叫即蒸無得輸！時間拿捏得好，唔會蒸到溶溶爛爛。蝦仁鮮爽加上筍尖更爽，味道剛剛好又 juicy，兩個爽，好味。蜜汁叉燒包，好彈手又暖笠
兩口子做完運動醫醫肚就趕緊返去休息，好睏喇！再次黎到曉廚，最緊要快靚正又抵食。
除左位收銀叔叔外全部師傅都係新面孔噃，outlook 比上一代 young 好多，唔知出品如何呢？叫兩個餐有點心有飯有菜有野飲，再散叫多個盅頭飯，$130 有找？係銅鑼灣區抵食到出奇，加 $18 蚊有埋紫砂燉湯添，但依家都差不多九點半，賣晒嚕，無緣，失望。
調味醬料都好齊全，我要自家甜豉油、自家辣椒油、豆瓣醬夠晒。甜豉油撈蒸飯，再撈埋辣椒渣超惹味！豆瓣醬、自家辣椒油配蝦餃、燒賣或潮州粉果同樣出色。肚餓到打晒鼓，立即起動，我唔客氣喇！
即炒蒜蓉菜芯，菜芯堅靚，潮州粉麵舖無得比！即炒勁有鑊氣，香噴噴送到。炸蒜好香口，菜芯翠綠爽甜，充滿水份，忍唔住一綑綑咁塞入口，正到爆！
蟹籽燒賣，冒住煙出場，氣勢都贏左大半啦！顏色鮮明奪目，賣相討好，見到已經流晒口水！燒賣係我最鍾意既點心之一，因為啖啖肉囉！無須猶豫，成粒啪入口，頓時爆汁！質地結實充滿肉汁，真材實料，仲帶淡淡蟹籽清香，回味無窮。
水晶蝦餃，即叫即蒸無得輸！時間拿捏得好，唔會蒸到溶溶爛爛。蝦仁鮮爽加上筍尖更爽，味道剛剛好又 juicy，兩個爽，好味。
蜜汁叉燒包，好彈手又暖笠笠，忍唔住揸多兩野，好有手感，好溫暖！呵呵呵！搣開睇您收埋啲咩先，好香叉燒味噴出，急急咬返啖，味道甜美，叉燒帶香濃厚豬肉味，靚野黎喎！
梅香咸魚肉餅飯同北菇雞球飯既賣相都超靚仔呀，閃閃發光！想兩款都食晒去啊，但連清兩盅飯實在會太飽，好采今晚有朋友仔一齊分享啫。
咸魚同肉餅都好香呀，大啖索好鬼 high！即時流晒口水。落兩羹甜豉油再將咸魚、肉餅、靚飯混為一體，好好味呀！肉餅 juicy 彈牙，被梅香咸魚既咸香緊緊抱住，再加上嚥韌飽滿既乾爽靚飯，完全停唔到手，一定要大羹大羹咁隊落口先夠滿足呢！
北菇蒸雞球飯，依度無骨啖啖肉，啱晒我依啲進化懶型食肉獸，哈哈！同樣射兩羹甜豉油先，依個份量兩羹剛好。撈撈撈，連雞帶飯掉入口中。吾吾吾，好味啊！雞柳嫩滑彈牙，醃得入味，添上甜豉油既清香，非常心動！北菇保持濕潤爽彈，菇味香濃，增添不少色彩。
我無雞不歡，一開波啲雞柳全部被我消滅！剩返一粒粒乾爽飽滿既飯粒，撈上自家甜豉油及自家辣椒渣，美味！淨食已經夠晒正，推介！
開心既時間好快完，又係時候講 bye bye！空空的我到來，飽飽的我離開，不帶走半個的外賣！全部食物 knock out！
Post
