Video
Read full review
2011-08-02
67 views
以前淨係識去大埔潮和興打冷，而鹿嗚居無必要都唔會選擇 ~ 直至潮州冷小炒開張，終於有一絲曙光喇 ﹗係依個打冷介添點希望。裝修光猛乾淨又整齊，雖然有點迫夾，但已舒服好多。出品有質數又穩定，只要唔好係大時大節就必定滿意。多款巧手、懷舊、功夫菜，雖要預訂，唔係隨時隨地有機會試到架 ﹗服務都好熱情殷勤，侍應連老闆都笑面迎人，氣氛不錯 ~ 現時打冷依度係首選 ﹗滷水鵝片，招牌菜 ﹗最緊要係靈魂滷水汁，香甜味美，毫不混濁，帶有清香味道 ﹗配甜醋或潮州辣椒油味道同樣出色 ﹗鵝肉嫰滑又不失趙口，並無半點鞋口感覺，肥瘦適中，一食就知有做開運動架喎。魚湯浸杞子豬潤皇帝菜，見到個名好藥膳吓喎，雖然我不大喜歡皇帝菜，試一試無妨啦。豬潤緊緊熟，我喜歡 ﹗夠爽口滑溜。鮮爽皇帝菜本身帶有辛辣味道配上熱辣辣既甜魚湯，都唔錯。記得飲埋啲湯，肉味、魚味、菜味均特出，可口味美，好飲。依道菜一定要襯熱食呀 ﹗菊花石榴雞，其中一款無需預訂既功夫菜，只係形狀似菊花，並非真係用菊花作食材的呀。見有些食家稱外皮係由鴨蛋做既蛋皮，但我食落似魚皮餃塊魚肉皮多啲喎，嚥嚥靭靭富彈性。先將雞肉碎炒香作餡料，包好後再蒸，最後埋芡既成。餡料包含著
滷水鵝片，招牌菜 ﹗最緊要係靈魂滷水汁，香甜味美，毫不混濁，帶有清香味道 ﹗配甜醋或潮州辣椒油味道同樣出色 ﹗鵝肉嫰滑又不失趙口，並無半點鞋口感覺，肥瘦適中，一食就知有做開運動架喎。
魚湯浸杞子豬潤皇帝菜，見到個名好藥膳吓喎，雖然我不大喜歡皇帝菜，試一試無妨啦。豬潤緊緊熟，我喜歡 ﹗夠爽口滑溜。鮮爽皇帝菜本身帶有辛辣味道配上熱辣辣既甜魚湯，都唔錯。記得飲埋啲湯，肉味、魚味、菜味均特出，可口味美，好飲。依道菜一定要襯熱食呀 ﹗
菊花石榴雞，其中一款無需預訂既功夫菜，只係形狀似菊花，並非真係用菊花作食材的呀。見有些食家稱外皮係由鴨蛋做既蛋皮，但我食落似魚皮餃塊魚肉皮多啲喎，嚥嚥靭靭富彈性。先將雞肉碎炒香作餡料，包好後再蒸，最後埋芡既成。餡料包含著雞肉、雞汁、醬料，味道濃郁、口感濕潤，雖然食落有點膩，但由色香味美睇依道菜係 good good good 既 ﹗食完可以咬吓西蘭花，清清口腔。
方魚肉碎蠔仔粥，芫茜另上。湯底用方魚餚成配上冬菜、菇絲同豬肉碎，加埋鮮蠔，味道勁鮮勁甜。超肥美肉蠔，啖啖肉、肥嘟嘟，creamy 又充滿水份同海水味，好正 ﹗Size 仲要比一般既大，足料大大碗，好抵食。之前食過章魚肉餅煲仔飯好好食，係用黑瓦煲煮架，啲飯特別香口 ﹗不過今次想食粥多啲，下次必定要叫煲仔飯食。
Post
