夢の丼 (Closed)

自從有咗屯馬線,係元朗屯門入土瓜灣真係非常方便,今日特登由土瓜灣探朋友,順便一齊食餐飯,今日朋友推薦我食日本菜。夢之丼 地址係土瓜灣譚公道2號地舖,餐廳地方雖然唔大但係裝修得好整潔裝修得好有日本風情,畀人感覺好整潔好舒適花錦魚生丼 188元,魚生丼材料非常豐富,每樣食材都好新鮮肥美,份量亦都好多,魚生切到一粒粒,賣相極之吸引,最上面放咗隻生蛋,將蛋汁加落啲飯度食味道更加香。炎之丼 198 元,牛油醬燒帆立貝,帆立貝好大粒而且仲好新鮮,口感清爽鮮甜,左口魚邊 同樣食到新鮮嘅味道,加上甜蝦蓉,三文魚蓉 ,整碗丼飯 都充滿刺身嘅鮮味,而且日本飯軟硬度適中,整體嘅口感到非常好，食到我哋個個都舔舔脷蟹膏豆腐 48元,豆腐嘅size剛剛好一啖食曬,入口食到香濃嘅蟹膏味,加上小小蔥花點綴,而豆腐帶點焦香,真係好好食。左口魚邊壽司 48 元,左口魚邊非常肥美,魚嘅油脂經過燒香,味道更加突出。深海池魚 88元,肉質緊實而且爽口,帶有少少油香,味道真係好清甜,脂肪比例亦都係好適中,一啲腥味都冇,深海池魚好值得推介非常美味。