北海道初雪烘焙 (Closed)

芝士撻熱潮直捲香港，但其實都已經hit左大半年有多。初雪而家先起步可能都比同類型店鋪遲了點。年初二經過金馬倫道見到初雪的店員非常落力推銷剛剛出爐的芝士撻，忍不住要試試 由於店員們非常落力的叫賣，店舖驟然人頭湧湧 呢張就係店員派的宣傳單張。初雪每日出爐1500個芝士撻，售完即關鋪，年初二的七時多仲有新鮮出爐芝士撻。初雪來自北海道有名的中村商店，本是專做和果子的。但芝士撻也大受歡迎，香港店乃首間海外店，每日會由北海道派來香港既師傅做皮及餡料，再交到店內焗，以保持住跟北海道店一貫既味道 店鋪細細但店員非常賣力 芝士撻$20一個，堂食以木碟盛著，size稍稍比其他店的芝士撻細少少。店家既芝士撻最與別不同係佢既曲奇皮，咬落較硬身，不會一咬即散。雖然話佢係半熟芝士撻，中間一點都不流心，反而比較挺身，熱食奶香較重，芝士味及酸味反而唔夠出。所以食完一個就決定包起一個返屋企食。返到屋企仍然有微溫，但質感更硬淨，奶味冇咁突出反而食到芝士的酸味相比熱食我更喜歡凍食，所以想試的朋友不妨買完等多一等先食。