Video
Read full review
2017-08-24
75 views
今日同K先生一齊撐枱腳， 揀咗喺西青街呢間裝修都幾靚嘅《Mr Right》。我哋嗌咗個二人套餐，沙律係煙燻三文魚凱撒沙律，雖然將煙三文魚同埋凱撒沙律放埋一齊嘅機會唔少，但印象中自己好似未食過，今次呢個咁樣嘅合體，令我喜出望外，個凱撒沙律汁嘅芝士味夠哂香濃，伴隨著新鮮嘅羅馬生菜，再喺面頭灑上一粒粒嘅烤煙肉碎 同埋麵包粒，本身已經夠哂滋味，若然連埋塊煙三文魚一齊食，簡直係更上一層樓。餐湯方面我哋揀哂兩款，每款各一碟，啱哂我哋呢啲貪心鬼，意大利蔬菜濃湯有好香濃嘅番茄味，裏面用料豐富，有切成一粒粒嘅紅蘿蔔翠玉瓜西芹同埋薯仔，粒粒都好腍好入味，特別鍾意佢有蕃茄嘅香甜味得嚟又夠哂酸，再加少少黑椒就更加正。黑松露忌廉湯，個湯除咗充滿住黑松露味之外，仲可以飲到一粒粒嘅菇茸喺個湯入面，黑松露，忌廉加埋香菇嘅味道，係一個唔錯嘅組合。卡邦尼意粉配53°溫泉蛋，個溫泉蛋上到枱仲十分之動L，用把刀輕輕將佢劏開 ，啲蛋汁即刻流哂出嚟，加埋本身卡幫尼嗰個意粉汁一齊食，就又夠 creamy 又有蛋黃味啦。燒法國春雞，春雞嘅 size 介乎平時燒蠟檔嘅白切雞同埋乳鴿之間，叫得做春雞，啲肉果然係特別嫩滑，同平時食開嗰啲雞
我哋嗌咗個二人套餐，沙律係煙燻三文魚凱撒沙律，雖然將煙三文魚同埋凱撒沙律放埋一齊嘅機會唔少，但印象中自己好似未食過，今次呢個咁樣嘅合體，令我喜出望外，個凱撒沙律汁嘅芝士味夠哂香濃，伴隨著新鮮嘅羅馬生菜，再喺面頭灑上一粒粒嘅烤煙肉碎 同埋麵包粒，本身已經夠哂滋味，若然連埋塊煙三文魚一齊食，簡直係更上一層樓。
餐湯方面我哋揀哂兩款，每款各一碟，啱哂我哋呢啲貪心鬼，意大利蔬菜濃湯有好香濃嘅番茄味，裏面用料豐富，有切成一粒粒嘅紅蘿蔔翠玉瓜西芹同埋薯仔，粒粒都好腍好入味，特別鍾意佢有蕃茄嘅香甜味得嚟又夠哂酸，再加少少黑椒就更加正。
黑松露忌廉湯，個湯除咗充滿住黑松露味之外，仲可以飲到一粒粒嘅菇茸喺個湯入面，黑松露，忌廉加埋香菇嘅味道，係一個唔錯嘅組合。
卡邦尼意粉配53°溫泉蛋，個溫泉蛋上到枱仲十分之動L，用把刀輕輕將佢劏開 ，啲蛋汁即刻流哂出嚟，加埋本身卡幫尼嗰個意粉汁一齊食，就又夠 creamy 又有蛋黃味啦。
燒法國春雞，春雞嘅 size 介乎平時燒蠟檔嘅白切雞同埋乳鴿之間，叫得做春雞，啲肉果然係特別嫩滑，同平時食開嗰啲雞完全係兩回事，外皮又燒得香脆，做到真真正正嘅外脆內軟，特別鍾意佢啲配菜勁多款式，分別有茄子，露荀，車厘茄，仲要有大量我至愛嘅 zucchini，仲要係連黃色同埋綠色都有添，滋味滿足。
椰子奶凍，椰子奶凍椰子味略嫌爭咗少少，不過個奶凍嚟講絕對夠哂香同埋滑，牛奶味都唔錯㗎。
Monin 黑朱古力醬雙重雪糕球，呢一隻源自法國嘅朱古力醬源遠流長，品牌歷史已經超過一百年，選用最上等天然原材料同埋香料嚟研製啟發世界各地餐飲業口味的新產品， 嗰隻朱古力味果然係分外唔同。
Post
