東京迴轉壽司 (Closed)

還記得未有峰, 板前, 和花亭之前, 東京係我其中最愛幫襯的迴轉. 但後來水準下降了點, 加上峰, 板前開咗之後, 我都無來過lu! 友人忽然提起, 好, 就再試試啦! 帶子壽司 : ok 喎, 幾新鮮, 也頗彈牙. 吞拿赤身壽司 : 呈粉紅色, 睇落都似中拖羅, 原來只係赤身, 都算幾好. 海胆壽司 : 呢個好good 喎, 無腥味, 有少少鮮甜, $25, 好抵. 芝士蟹籽壽司 : 這更是喜出望外, 初時食到好濃的芝士味, 覺得好正. 正百思不得奇解之際, 忽然發現芝士蟹籽中有極細粒的芝士, 食起來有雙重芝士味, 勁正! 天婦羅卷 : 呢味要bad list, 見相以為係有天婦羅蝦的炸卷, 點知係包著蟹柳, 芝士和青瓜的炸卷, 最不滯的在面再舖上厚厚的芝士粉. 嘩, 一臭到, 太濃了, 已有少少想吐的感覺, 好不容易, 才嚥下它....點解大家都係芝士野, 之前個種咁正, 呢個咁不滯架.... 其他壽司包括了芥茉八爪魚, 劍魚, 甜蝦, 魷魚, 鱆紅, 軟殼蟹手卷... 整體而言, 質素比幾年前係好咗好多, 最敗筆的只係天婦羅卷, 其他的尚算不錯. 服務麻麻.