牛車水餐廳 (西九龍中心) (Closed)

Other Info. : 一句講晒，如果老細見到我嘅食評，請重視員工嘅態度，尤其是果位年紀唔細嘅男人﹗佢哋幫你趕客呢，老細﹗ 話說當日我哋一行數人到呢間嘢食飯，招呼就一般，我哋都唔介意，生意唔易做我都明。到食完啦，我就去畀錢埋單，要求個女收銀每個餐開一張單(因為其他因素我必須要單，我都唔想煩)，個收銀聽到就話你唔早啲講﹖我落單時逐張出，我解釋話唔知要咁，咁好啦，佢話手寫單就有，我話冇問題，佢就寫畀我几單30蚊嘅單畀我，當我行出問口再細諗清楚唔對路，因為下午茶連加一及凍飲應該32蚊一位，但佢只係寫30蚊一張，因為我要交數，所以唔可以錯，咁我為有返轉頭去搵返收銀要求改番正確銀碼嘅單啦，我己經同佢解釋佐問題所在，，我見佢聽到我要求後就馬上面黑(當時的確係人多而繁忙)，佢好勉強咁寫......可惜，寫錯日期，佢就係咁刪除再改返正確日期，我即同佢解釋我要嘅單唔可以有改，請佢重新寫張新嘅，咁佢就叫另外一位待應來叫佢寫畀我，好，我點會介意﹖寫啦，呢位呢，又係寫錯日期，算，再改，呢一刻，佢已經好唔耐煩啦.....好啦，寫完，我見佢張單係有個公司印，但冇公司電話，咁我就要求佢可唔可以幫忙寫返個公司電話，我強調佐我公司要求要有電話......可惜，佢畀我嘅答覆就係話：我公司冇電話.....講到呢度各位會點諗﹖我直頭火都來，問佢你公司冇電話咁啲人點同你訂外賣﹖收貨又點﹖我又唔係要你私人電話，咁都有問題﹖此時，有位好似話得事嘅男人就過來好唔耐煩咁....總之就好似好巴閉咁，我梗唔同佢客氣啦，我話有冇搞錯，客人咁嘅要求都唔得﹖你哋點做嘢架﹖跟住有位黑衣制服女人走來做和事佬，我就算啦，唔同佢計較，跟住我問佢有冇公司咭片﹖佢話冇，算，我見佢嘅餐紙有電話，咁我話你畀呢張紙我，我自己寫，唔求你........各位看官﹗我唔知點形容這次經歷﹗無言...... (本人再強調，要收據係我公司需要，絕非有意為難，就算點，客人要求收據都係天經地義之事，唔知點解佢哋點解要咁對客人.......唔明白)