3rd Space (Closed)

行過見幾有特色，行到攰攰地，想坐低飲杯嘢，店主話最低消費係一個主菜一杯飲品。我諗住係有一定金額嘅最低消費，問佢可否唔要主菜，改為叫三杯飲品，因為我唔肚餓，攰到不想食，只想飲嘢，唔想浪費食物。但店主話佢哋收銀機個系統限定左一定係主菜加飲品嘅最低消費配搭，佢情願我叫一個主菜，以外賣形式拎走，可能佢諗住叫得外賣返到屋企整返熱食物水準都仍然能夠保持，但我原意只係想飲嘢，所以今次冇機會嘗試了。如果有興趣去嘅朋友仔要留意啊。