Cafe Charm's (Closed)

呢間西九名店，係我拜訪時居然唔駛等，實在太好彩。 唔係星期一至五既緣故，今日係無set 食既。加上因為想食薯條，叫左個龍蝦包。 男人叫既係帶子意粉。 另外因為有最低消費既關係，我地叫左green tea latte同焙茶latte我個包，啲料少到令我相當失望🤦🏻‍♀️ 薯條落左七味粉，其實我覺得薯條落七味係有啲畫蛇添足既，特別當你會俾茄汁我點個時。男人既帶子意粉，帶子似無煎，意粉質地同味道都係普普通通。 最驚喜既係兩杯飲品，綠茶同焙茶味道都分別好濃好香，亦都好滑。 好飲到原本飲左一半交換都做人飲哂😂😂😂 總的來說，飲品係佢最加分既項目，所以我話難怪佢既最低消費係一杯飲品。 然後食物呢，以佢所在既地方同個定價黎講，我覺得CP 值唔算高既。 還好我唔駛排隊，如果排一大餐之後食係呢個我會好失望架。