中華滙館 (Closed)

週末跟家人來飲茶，頭一次係中菜館食點心，因為通常係食晚飯，但這次令我感覺到一間好既中菜館無論晚市定午飯點心都同樣出色。由先講一講環境，打開重重的大門，中式裝修加上西式酒櫃盡入眼簾。餐枱上既碗筷都充滿中國色彩，以雀鳥為主題既擺設同碟，色彩繽紛。侍應服務很貼心，給我哋小木架擺袋，而且主動加茶，送上每一碟菜式都會略為介紹。由於係我哋既brunch，所以大部分都點左點心。首先上左藤椒豬手同白木耳做開胃菜，呢兩碟夾既味道夾到十足，建議一齊食，白木耳酸酸甜甜又爽口，可以解辣。焗叉燒餐包的包皮非常鬆軟，餡料份量適中，很好吃 。石榴餃內有蝦肉，元貝混合香檳，石榴汁做的外皮，一啖食落好清新而且能嚐出淡淡酒香。陳川粉排骨的排骨蒸得肉質嫩滑，而且醃的很入味。黑松露同野菌一向味道都很夾，係呢個包度體現左。咸水角炸得外鬆脆內軟糯，大推 ～另外叫左南瓜海鮮泡飯有大大隻鮮鮑魚，用料新鮮所以湯汁都好鮮甜呢，加埋米通又脆又軟增加口感。甜品的話，酥皮蛋撻的酥皮真係極度鬆化，層層都一致地好薄，而且奶香蛋味十足，不點會後悔的，一定要番 quota 食! 整體點心做得出色過茶樓或者專門的點心店，真的物有所值呢！