Video
Read full review
2016-07-18
1423 views
近期終於喺屋企樓下食咗蒸氣鍋，就算佢ｄ料唔係貴野都幾ok，所以決心搵間料靚嘅靚海鮮再食多次。朋友話最近小肥牛開咗蒸氣石鍋火鍋專門店，一向喺小肥牛打邊爐都係食靚料嘅。食蒸氣石鍋就係要食靚料，就決定食佢！油麻地呢間就係食蒸氣石鍋嘅，可能新開無耐，未有好多人識路搵呢間。但service依然keep到~入門口就見到海鮮陣～～wooo! 無揀錯!難得忙裡偷閒索性叫個貴D嘅餐，食豪D!選了$498 的潮蒸海鮮特上餐，包括6款前菜、5款海鮮(有3樣都係貴價的) 、手切本地肥牛、蔬菜拼盤、鮮果及南瓜粥底！2個都唔食南瓜，要求轉了淮生排骨粥底～見到都飽肚！甫坐下就放上醬料架，我地拎咗少少醬料，到最後其實都係裝飾居多XDDD6款前菜是小碟份量，味道不錯，用來佐酒更好！個人最LIKE酒糟鴨舌及芥茉八爪魚，好想ENCORE。海鮮一次過上，但會分開蒸。先上帶子，大隻得過份，差不多有一個碗咁大！肉質依然嫩口，亦鮮甜得過份，！鮑魚大大隻，平常食鮑魚多數加醬汁去蒸，清蒸就要靠它本身的新鮮度，味道不錯，有咬口。阿拉斯加蟹腳平常都是凍食多（食BUFFET時狂掃target之一)，啖啖肉真係好過癮，將蟹肉拆出來慢慢食都考功
近期終於喺屋企樓下食咗蒸氣鍋，就算佢ｄ料唔係貴野都幾ok，所以決心搵間料靚嘅靚海鮮再食多次。
朋友話最近小肥牛開咗蒸氣石鍋火鍋專門店，一向喺小肥牛打邊爐都係食靚料嘅。食蒸氣石鍋就係要食靚料，就決定食佢！油麻地呢間就係食蒸氣石鍋嘅，可能新開無耐，未有好多人識路搵呢間。但service依然keep到~
入門口就見到海鮮陣～～wooo! 無揀錯!
難得忙裡偷閒索性叫個貴D嘅餐，食豪D!選了$498 的潮蒸海鮮特上餐，包括6款前菜、5款海鮮(有3樣都係貴價的) 、手切本地肥牛、蔬菜拼盤、鮮果及南瓜粥底！2個都唔食南瓜，要求轉了淮生排骨粥底～見到都飽肚！
甫坐下就放上醬料架，我地拎咗少少醬料，到最後其實都係裝飾居多XDDD
6款前菜是小碟份量，味道不錯，用來佐酒更好！個人最LIKE酒糟鴨舌及芥茉八爪魚，好想ENCORE。
海鮮一次過上，但會分開蒸。
先上帶子，大隻得過份，差不多有一個碗咁大！肉質依然嫩口，亦鮮甜得過份，！
鮑魚大大隻，平常食鮑魚多數加醬汁去蒸，清蒸就要靠它本身的新鮮度，味道不錯，有咬口。
阿拉斯加蟹腳平常都是凍食多（食BUFFET時狂掃target之一)，啖啖肉真係好過癮，將蟹肉拆出來慢慢食都考功夫架！
呢個時候，當然係老公出手嘅moment啦~鮮蝦彈牙，生蠔爽口，忍唔住又要講，新鮮嘅海鮮真係清蒸最好食！
再來係手切本地牛，油花豐富，以為蒸出唻會油到爆，但原來唔會！
蒸牛肉球就食得多，蒸靚牛真係第一次！肉質更嫩、牛味更濃！食時點少少少少豉油，鮮味更出！沙巴龍蠆糯米飯，龍蠆跟糯米飯一起蒸原來會產生化學作用，糯米飯吸收了魚油，啖啖充滿魚香！
不過份量少了一點，如果加多一點更好！蔬菜拼盤以粗糧為主，食咗咁多正海鮮，用粗糧平衡一下。但粗糧唔代表質數唔好呀！比起綠葉菜，它們其實更健康，亦飽肚！
食到呢度，已經飽了！最後再以淮生排骨粥作結，淮生排骨粥盡吸海鮮精華，非常鮮！不過下次都係食番南瓜排骨粥，淮生太清，反而帶唔出海鮮嘅甜。
最最後，就以生果拼盤結束。
埋單2個人成$11xx，但真係一分錢一分貨，食到靚海鮮，真心滿足。好過去西貢俾人璫到一頸血
Post
