Video
Read full review
2022-03-12
403 views
近日疫情嚴峻，本地單日確診數目已破萬宗，但政府嘅政策都令市民感到無奈與不憤。盡管外國已經開始放寬，而香港相反地收緊，小店也要面對結業的現實，呢間良心店亦都唔例外。而作為食評人嘅我，當然要趁最後機會去衝刺啦。 C+Burgers原身叫做Burger Guys，2017年開業至今也支持與陪伴香港人共度難關。店舖由兩位大學生打理，由落單煎肉至洗碗都由佢哋一手包辦。辛苦就當然架啦，但換來嘅係新鮮嘅漢堡同食客嘅口碑。不過如今面對不了疫情的挑戰，真令人惋惜。 店舖面積細小，裝修簡約，廚房一眼睇哂。店外只有四張櫈，主要做附近大專生嘅外賣生意。漢堡有八款，唔食牛肉嘅可以免費轉雞肉，亦都有素食選，而配菜並唔只得有薯條。 黑松露芝士漢堡$46 (配套餐D加$32) 價錢可算非常之抵，套餐就有少少貴咗D。當日大部分店外等候的人都係叫外賣，得我係堂食，好多人就喺度圍住望住我食野咁。 欣賞餐廳有提供手套，唔洗食到成手都係油。麵包有輕微烘過，外層有好多麵粉，唔鐘意呢樣野嘅人就要留意一吓。麵包品質附合價錢定位，鬆軟而且有香氣。 漢堡扒據傳統介紹係結合了美國牛肩扒等部位攪成。牛肉就非常之厚身，外層有微微嘅焦香脆皮，內
C+Burgers原身叫做Burger Guys，2017年開業至今也支持與陪伴香港人共度難關。店舖由兩位大學生打理，由落單煎肉至洗碗都由佢哋一手包辦。辛苦就當然架啦，但換來嘅係新鮮嘅漢堡同食客嘅口碑。不過如今面對不了疫情的挑戰，真令人惋惜。
店舖面積細小，裝修簡約，廚房一眼睇哂。店外只有四張櫈，主要做附近大專生嘅外賣生意。漢堡有八款，唔食牛肉嘅可以免費轉雞肉，亦都有素食選，而配菜並唔只得有薯條。
黑松露芝士漢堡$46 (配套餐D加$32)
黑松露芝士漢堡
$46
31 views
0 likes
0 comments
價錢可算非常之抵，套餐就有少少貴咗D。當日大部分店外等候的人都係叫外賣，得我係堂食，好多人就喺度圍住望住我食野咁。 欣賞餐廳有提供手套，唔洗食到成手都係油。
麵包有輕微烘過，外層有好多麵粉，唔鐘意呢樣野嘅人就要留意一吓。麵包品質附合價錢定位，鬆軟而且有香氣。
黑松露芝士漢堡
$46
34 views
0 likes
0 comments
漢堡扒據傳統介紹係結合了美國牛肩扒等部位攪成。牛肉就非常之厚身，外層有微微嘅焦香脆皮，內裏仲係粉紅色而有肉汁，口感較有嚼頭。雖然瘦肉部分較多，但都有適量肉味，只是缺乏了調味。
黑松露芝士漢堡
$46
56 views
0 likes
0 comments
黑松露醬完全覆蓋芝士表面，價錢都說明了一切，為漢堡增添了一層菌香，冇任何石油氣味已經很好。
芝士預期會有熱溶過，但係冇，店員已經忙到爆，沒有抱怨。醬汁係自製千島醬，酸甜香滑，唔會過於突出。加上唔多水嘅蕃茄，有清洗過而唔腥嘅紫洋蔥，都算不俗。
炸魚手指
魚手指
33 views
0 likes
0 comments
見好耐都冇食過，就叫黎回憶一下童年，但只有三小條，唔太值lor。外皮金黃誘人，酥脆香口，內裏魚肉水嫩白滑，但就冇魚味，而配上嘅酸味千島醬卻是添味劑。
依家見住一間又一間嘅小店都捱唔住，個人都感到無奈。希望大家多多支持小店，呢段時間佢哋係最需要大家去幫忙，外賣/堂食/平嘅/貴嘅乜都好，唔好令疫情完結之後得返D大集團響度，令成個香港都沒有色彩。
Post
