豚王 (Moved) New Location

今天放假和老婆,兩個女過來維園行年宵市場買年花。難得係平日過來，當然要帶她們來假期係超多人排隊嘅豚王喇！十一點半開門，我們十一點二十分左右到，已經有人排隊，好彩仲可以頭輪入坐！其實我在這裡都無選擇可言，因為我食唔到赤王的辣，我又唔食黑色的食物，所以又食唔到黑王，翠王，芝士味拉麵？好似怪怪地，未有勇氣嘗試。所以都係獨孤一味- 豚王吧！兩個小朋友都係一樣，老婆就一定係赤王喇！唔知係唔係因為肚餓，覺得碗麵分量少左，但味道依然咁正，糖心蛋真係很糖心，一口咬下去D蛋黃汁立即流出來，真係痛快！而最正的當然係個湯底喇，濃厚的豬骨味，每次嚟都係連湯都飲清光的，個人認為是全港最好味的拉麵！哥哥仔送麵來的時候，不用問便可以將屬於你的那碗麵送到你面前！兩個女覺得很奇怪便問何解？其實因為於你交張麵單給哥哥仔時，佢已經將你的記號寫左落張order紙上，所以送麵時佢已經知道該碗麵是屬於誰的了！這個細心點值得一讚！