星巴克咖啡 (Closed)

Starbucks 中環今日去中環附近睇開倉，行到好攰，就去呢一間咁特色嘅Starbucks嗰度飲杯咖啡唞一唞，順便傾吓計，睇吓啲戰利品。記得好耐之前曾經嚟過呢一間Starbucks ,但係多年之後裝修已經有啲唔同，其中一邊好摩登，令一邊繼續保持懷舊老香港嘅感覺，有特色嘅牆身，手寫嘅餐牌。店員服務態度雖然值得一讚，但係明顯人手不足，所以都要靠客人主動咁樣執拾。呢間Starbucks除咗裝修之外，食物都係好有特色， 有別於一般嘅分店。為咗配合懷舊嘅主題，餐牌上面仲有菠蘿包，雪糕菠蘿包等……西式嘅食物亦都有心太軟，心太軟拼雪糕。同朋友嗌左兩杯綠茶嘅飲品，由於個人比較偏向濃濃的茶味，所以覺得杯綠茶有點淡，店員亦都好樂意為我地重新調製令一杯，服務態度亦都值得一讚。