薩莉亞意式餐廳 (新都城中心一期)

Open Now

Now Closed

呢間餐廳新開張時經常要等好耐先有位，但自從商埸開咗好多各類唔同嘅餐廳後，已經唔需要等太耐了，今天須然係星期日中午時段，但都只係等咗幾分鐘就可以坐低。而家餐廳檯面上擺放咗個架，架內有餐牌、各款餐具及紙巾方便顧客，十分貼心，另外點餐就要自己掃 QR code。頭盤叫了個甜蝦沙律，蝦份量算多但就有啲霉，沙律醬唔多夠，認真麻麻地。呢個意式菠菜伴煙肉，味道稍淡，好普通。呢個肉醬多利亞，芝士同醬汁夠哂多，啲飯就有啲軟淋， 撈勻咗醬汁後口感好黐立立，味道尚算 ok。呢個係墨魚汁意大利粉，呢個賣相唔錯，墨魚汁夠多，墨魚圈唔會韌，撈勻咗意粉後每條意粉都掛滿墨汁，非常好味！