砂煲兄弟 (東港城) (Closed)

近日在坑口東港城商場開咗一間煲仔飯餐廳「砂煲兄弟」，昨天午餐時間才第一次幫襯，吃了一個砂煲焗肉醬意粉，那份味道實在令人感動，好耐未食過粗身意粉煮的肉醬意粉了，因為現時差不多所有餐廳都用幼身意粉，加上芝士和肉醬的份量，合適，醬汁又沾滿了意粉，吃下去又滑又好味，已經好耐冇食過咁好味嘅肉醬意粉，再配上一個紅豆冰奶茶，真係有意外驚喜，因為呢個飲品不會太甜，紅豆冰的甜味唔會蓋過奶茶的茶香，真係飲過返尋味。今晚再同老婆去食晚飯，叫咗一個黑松露滑雞煲仔飯，雖然等候的時間較來，但實在值得，可以話係我食過最好味嘅煲仔飯，煲仔飯一上枱就已經香氣撲鼻，雖然我自己唔係咁習慣黑松露嘅味道，但係配上餐廳自家製的豉油，加上滑雞和軟硬適中的白飯，真係美味至極。餐廳裝修有啲懷舊大排檔風格，配上不同年代的流行曲，大大增強了進食時的氣氛和風味，向大家誠意推薦。