Plato (Moved) New Location

雖然捉精靈熱潮已經減退，但為左打固拉多，仍然好多人聚集一齊打塔。因為早到左，室外又極度寒冷，我地決定入嚟一路食一路等打塔。餐廳有十款午餐選擇，價錢$58-$128，最欣賞佢有好多選項可以額外加配﹕法包、小食、炒雜菌、甜品、雪糕，就連飲品同湯都可以加錢升級，實際又有彈性。好多時食完晒成個餐已經無「食力」食甜品，呢度個套餐係唔包餐包，可以留力食甜品，啱晒我!升級法式龍蝦湯$18，聞落幾香，飲落亦幾濃。可惜只得半碗，同埋入面無龍蝦肉。美國極黑豚肉眼扒燒汁意粉$108 – 除左西蘭花仲有啲沙律菜，均衡營養。值得一提係沙律菜上有個沙律醬，酸酸甜甜又帶少少果味，好好食。黑豚肉眼扒係厚切，肉質比較硬。美國安格斯西冷牛扒燒汁薯菜$128 – 薯條大大條，可以話係外脆內軟，出奇地好食。安格斯西冷牛扒肉色係紅嫩，有肉汁，可惜牛味淡，食唔出係安格斯牛。午餐包$28飲品，過額補差價，熱Mocha補$8而熱特濃朱古力補$4，味道正常，但Mocha冇拉花就有少少失望。最後當然加左我至愛- 甜品。完全係遠超預期!Tiramisu$28 – 朱古加味同咖啡味平衡，軟滑香甜，掂。朱古力雪糕慕絲蛋糕$28 – 呢個係個人