Video
Read full review
2021-02-17
515 views
有睇開小編嘅post就知小編有幾鍾意食泰國菜🇹🇭每隔幾個post都會有一間食泰式嘢食嘅餐廳🤣今次都唔例外，小編好容易比泰國菜吸引到，所以今次都係食泰式嘢🙈本身係想食隔離嗰間夏捌月💛不過見咁多人排隊食就想分散投資，去咗隔離呢間小曼谷食😆座位唔算多，環境同衛生都好一般，不過勝在性價比高👍🏻==============================🇹🇭 小曼谷泰國美食 (教育路) @minibangkok📍 元朗教育路50號兆明樓地下A號舖 ⏰ 星期一至日 12:00 -21:30==============================1️⃣【泰式鮮蝦炒金邊粉】$50份量都算幾多，食到最尾差啲食唔晒🤣顏色偏淺，以為會比較淡味，點知真係偏淡😂不過好彩有青檸🍋可以加落去，酸酸地幾開胃🤤金邊粉炒得幾爽，唔會太濕，又唔會一夾就散，炒嘅時間啱啱好配料有兩隻大蝦🍤幾爽口，唔會梅，如果再有多幾舊就好啦🙈韮菜同芽菜都係無炒過，個人認為比較生，食唔入口😥(🔥怒食指數：7/10).2️⃣【冬蔭豬頸肉湯河】$48睇個湯底以為好辣，有啲淆底🥵原來係虛有其表🤣湯底偏酸，亦多咗一份香料嘅韻味，味道極似正宗冬蔭公湯底豬頸肉
今次都唔例外，小編好容易比泰國菜吸引到，所以今次都係食泰式嘢🙈
本身係想食隔離嗰間夏捌月💛不過見咁多人排隊食就想分散投資，去咗隔離呢間小曼谷食😆
座位唔算多，環境同衛生都好一般，不過勝在性價比高👍🏻
==============================
🇹🇭 小曼谷泰國美食 (教育路) @minibangkok
📍 元朗教育路50號兆明樓地下A號舖
⏰ 星期一至日 12:00 -21:30
==============================
1️⃣【泰式鮮蝦炒金邊粉】$50
份量都算幾多，食到最尾差啲食唔晒🤣
顏色偏淺，以為會比較淡味，點知真係偏淡😂不過好彩有青檸🍋可以加落去，酸酸地幾開胃🤤
金邊粉炒得幾爽，唔會太濕，又唔會一夾就散，炒嘅時間啱啱好
配料有兩隻大蝦🍤幾爽口，唔會梅，如果再有多幾舊就好啦🙈
韮菜同芽菜都係無炒過，個人認為比較生，食唔入口😥
(🔥怒食指數：7/10)
.
2️⃣【冬蔭豬頸肉湯河】$48
睇個湯底以為好辣，有啲淆底🥵原來係虛有其表🤣湯底偏酸，亦多咗一份香料嘅韻味，味道極似正宗冬蔭公湯底
豬頸肉唔會太肥，亦唔會好柴，連小編唔太好豬頸肉嘅人都俾佢吸引左，仲有佢唔係普通嘅豬頸肉，係烤過嘅豬頸肉，味道完全去咗另一個層次👍🏻
河粉真係好普通，起碼唔會一夾就散，不過河粉唔掛湯，本身又無乜味，無乜特別🤔
(🔥怒食指數：8.5/10)
.
3️⃣【豬🐷+雞🐔各1串】+ $23
呢個看似普通但勁有驚喜🤩值得推介！
兩隻肉都㷈得好入味，食起上嚟唔洗點太多調味料已經好好味
肉質方面完全令我對串燒改觀，以前食過嘅串燒係食完都唔知食緊咩肉，但呢個係食得出佢嘅肉味，完全唔覺得佢係冰鮮嘅肉
加上佢個沙嗲醬係自家製，比例調較得好好，食完唔會覺得膩☺️
(🔥怒食指數：9/10)
==============================
🔥評分：
環境：7/10
味道：8.2/10
性價比：9/10
總分：8.1/10
==============================
泰式鮮蝦炒金邊粉
$50
15 views
0 likes
0 comments
冬蔭豬頸肉湯河
3 views
0 likes
0 comments
11 views
0 likes
0 comments
豬🐷+雞🐔各1串
11 views
0 likes
0 comments
10 views
0 likes
0 comments
Post
