燒烤堂 (Closed)

今次係第一次嚟燒烤堂，有非常意外驚喜，開頭同老婆都係想叫一d普通嘅雞牛豬串燒，但燒烤堂位靚女好專業友善咁介紹佢地必食之選，當中有以下燒野生多寶魚- 本人本身唔好魚，怕腥，但出奇地條魚魚皮燒得好脆，d魚肉好滑，而且一d都唔腥，配合d泰式汁，絕配！泰式豬頸肉 - 外脆內軟，d肉一d都唔鞋，出色。燒雞心 - 爽口彈牙，雞心上嘅燒汁野味。蜜糖雞翼 - 雞皮燒得香脆，唔燶，但入面d肉又嫩滑，而且係熟，近骨位置d肉都無血出，火候arm arm 好。芝士蠔 & 粉絲元貝 - 海鮮大隻又新鮮，物超所值，味道一流。除咗食物質素，燒烤堂環境一流，可選擇室內同室外，適合食煙人士。服務質素亦是我要激讚嘅地方，位靚仔同靚女態度友善，耐心介紹食物，有禮貎，最後仲送咗串燒菠蘿比我地食。以前都只有睇人食評，今次係我第一次寫食評，主要係今次嘅驚喜想同其他人分享，信我，燒烤堂真係值得一試！