熾工房 (Closed)

一間裝修環境都幾企理嘅餐廳， 行街行到熱一熱，入嚟餐廳舒服哂。冷氣都幾涼，大熱天時去食晏都冇甘辛苦。因為即叫即做，所以製作時間需時15-20分鐘，另設每人最低消費$30。入內會先探熱再安排座位，值得一讚。下次再去長洲應該都會食呢間。套餐B 蒜香檸檬燒雞配粟米/薯條配汽水 $54 薯條正正常常，屬於粗薯條，有啲似茶記嗰啲，新鮮炸起幾香薯仔味。 反而個燒雞令人印象深刻， 有一件雞髀同雞胸。 一拎上手熱辣辣，面層燒得好好， 雞皮充滿焦香，裏面嘅肉仲保持嫩滑， 燒嘅時間啱啱好， 一路食就一路滴啲雞汁出嚟，係一舊好juicy嘅燒雞，成為心目中燒雞嘅第一名，如果佢嘅蒜香同檸檬再重手少少就perfect池。單點小食 招牌雞翼$14有四件，拆左單骨嘅雞翼好易進食， 每件都炸得好酥脆， 調味適中，唔會太鹹， 個炸皮唔會好油。