百利火鍋海鮮酒家 (Moved) New Location

朋友話去打邊爐，事先講明環境好差但好食！已經book咗枱，點知8點幾去到，門口已聚集大量人群！訂咗枱都冇位！等咗大概大半個鐘(仲要識人先咁快)，終於有得食！ 朋友點咗蝴蝶牛腩鍋！牛腩都算淋，湯底味道清新！ 蝦丸！爽兼彈牙，而且仲可以見到有蝦肉喺裡面！係我食過最新鮮同埋最好食既蝦丸！深海泥猛！好滑，即叫即劏...其他火鍋料，如魚標、手切牛、菜、魚滑等等，都新鮮好味！係一間以新鮮做主打既火鍋店，九點後牛肉仲有折架！