喜茶實驗室 (Closed)

嚟咗新開嘅K11 musea,喜茶嘅位置比較難搵，但係因為好想飲返佢嘅芝士奶蓋，所以搵咗好耐，終於到咗，好多人排隊。我叫咗最傳統，最好飲嘅：芝士金鳳。等左好耐，但係喜茶係我飲過嘅奶蓋茶入邊，最好飲嗰間，所以非常值得。有大概兩厘米既芝士，味非常濃，奶非常滑！茶味好清，配合芝士，相對冇咁油膩。我鍾意將奶蓋混入茶中！絕配。喜茶仲新出左出前一丁麻油味甜筒。我朋友叫咗一個，我食咗少少，意外地非常好味。香濃嘅芝麻味，再配上粒粒嘅白芝麻，好好味嘅一個芝麻味雪糕。