我是酸奶君 (Closed)

我真係超鍾意飲呢一間嘅特濃酸奶，係鍾意到個個星期都會飲，一係就自己或者搵朋友一齊去觀塘飲，一係就叫男朋友外賣俾我😆因為呢一間嘅特濃酸奶真係超級超級好味😋佢嘅位置係觀塘廣場入面，一啲都唔難搵，不過老實講，佢嘅價格係有啲高嘅，但因為我真係覺得好好飲嘅關係，所以已經唔理啦😂我自己就試過吃米特濃酸奶、吃燕麥酸奶、莓果粒粒、芒芒果海，其實你問一個本身已經好鍾意飲酸奶嘅人邊款好飲，佢會同你講每一款都好飲😅不過我都有一款係最鍾意嘅，就係吃米特濃酸奶。🎈吃米特濃酸奶因為係特濃嘅關係，佢裏面嘅酸奶係比較濃味既，而且裏面有好多紫米同埋Oreo碎，撈勻佢一齊飲，真係無敵！！！如果你都鍾意食乳酪或者飲酸奶，我相信你都一定會鍾意❤️呢個真係私心勁推薦😆😆