Greyhound Café (國際金融中心) (Closed)

放假一個人去吃午餐，曾經去過中環IFC呢間泰國菜多次覺得食物質素很好，所以價錢雖然唔算平，再次幫襯。今次叫咗泰式海鮮意粉.一如既往, 食物質素好好。海鮮新鮮，泰式煮法嘅醬汁掛滿每條意粉，口感豐富，真好味.今次份量比較少，好像兩啖已經食完。百多元嘅價錢，性價比就唔算太高了。但服務質素一般，其中一名服務員態度十分惡劣。當送上意粉嘅時候態度已經無緣無故地差，好像在發脾氣。因為我好鍾意食辣，隨即問她攞辣椒仔 Tabasco加辣。首先她當作聽唔到行咗去。其後我舉手示意要取辣椒仔,她凶神惡煞遞給我,更跟我說呢碟意粉已經係辣。當時已經係1:50pm，其實人流已經不多，她嘅態度惡劣嘅程度簡直不能接受。令到我食呢份午餐嘅興緻之已經影響哂。所以連食物相都冇心情影。總括來說，餐廳其實食物質素係唔錯。唯獨是服務員態度要再作培訓。相信會再去幫襯，但唔會再去呢間分店。