Video
Read full review
2006-02-19
19 views
睇左呢個網一段時間，都係第一次留言，因為有D野真係不吐不快。經朋友介紹，昨晚與同事一行十三人去呢度食飯，原本餐飯都幾好食，大家都好開心，仲有同事話媽咪就黎生日，可以黎呢度擺，唔駛次次酒樓咁悶。我係當日攪手，自己都未黎過，已經好緊張。仲要同事黎自唔同部門，有D仲已經離開左公司，好難得好難得先可以聚首一堂，我更加希望佢地食得開心。由3日前BOOK餐開始講起，話說打去既時候，佢話我地人多，建議我地坐房，不過minimum charge $1800，我尤疑左一陣，佢已經不停催迫我，又話坐得舒服好多又有私人空間，又話食$1800差唔多啦，我最後都應承佢。到落order時，本已定了一些想吃的菜，但她不斷焗我叫套餐搭兩隻招牌菜椰青蟹，完全唔想我散叫，我見同我想食既唔差好遠，都應承佢，話要餐單，佢話無fax機，一輪咀講完有咩食就成交，我覺得我都算順得人啦!去到現場，門口寫住「樂師會-會員only」，同事就問”會員only?咁我地邊個係會員呀?”，咁我就講笑應佢”我囉! 我識吹牧童笛，入左會架啦!”。我覺得我呢句野完全無眨義，但D職員聽到塊面超黑，我已經心諗:無得罪你下話，同屈我BOOK餐時完全兩個態度
經朋友介紹，昨晚與同事一行十三人去呢度食飯，原本餐飯都幾好食，大家都好開心，仲有同事話媽咪就黎生日，可以黎呢度擺，唔駛次次酒樓咁悶。
我係當日攪手，自己都未黎過，已經好緊張。仲要同事黎自唔同部門，有D仲已經離開左公司，好難得好難得先可以聚首一堂，我更加希望佢地食得開心。
由3日前BOOK餐開始講起，話說打去既時候，佢話我地人多，建議我地坐房，不過minimum charge $1800，我尤疑左一陣，佢已經不停催迫我，又話坐得舒服好多又有私人空間，又話食$1800差唔多啦，我最後都應承佢。到落order時，本已定了一些想吃的菜，但她不斷焗我叫套餐搭兩隻招牌菜椰青蟹，完全唔想我散叫，我見同我想食既唔差好遠，都應承佢，話要餐單，佢話無fax機，一輪咀講完有咩食就成交，我覺得我都算順得人啦!
去到現場，門口寫住「樂師會-會員only」，同事就問”會員only?咁我地邊個係會員呀?”，咁我就講笑應佢”我囉! 我識吹牧童笛，入左會架啦!”。我覺得我呢句野完全無眨義，但D職員聽到塊面超黑，我已經心諗:無得罪你下話，同屈我BOOK餐時完全兩個態度喎。
入到房，甚迫狹，而且間鋪原來咁細，其實坐出面，都只不過係同一兩檯人一齊坐，有少少覺得俾人昆.......
食既過程無野發生，d職員係唔笑姐，但我地自己開心就得。原本D野大碟夾好食，D同事好滿意，連番讚好，我已經好滿足。點知臨尾撻Q!
講真唔記得成個餐有咩食，咁見佢話套餐，臨尾咪問佢有無甜品囉，佢話唔包，要錢。(但我好似記得你地既留言係送既) 席間有人就話，咁多人幫襯，送碟糕食下啦，個職員就依依娥娥話”原本無架，不過幫你問下啦，我拿唔到主意架，都應該得掛”，但之後就一去無回頭。再過一輪，我地再問一次，之後隔左一段時間有一碟綠色既糕入左黎，大家都話”好野! 多謝晒!”就開始食，當我地食到得番兩舊既時候，突然一個亞姐走入黎，好掘咁話”碟糕唔係送架，我地會計番錢架!”我地當場呆晒，有人問佢點解拎入黎時唔講，要等我地食完先講呢? 佢唔回應我地，只係講多次”總之我地會收錢，無得送!”就走左去。
我地雖然有d唔開心，但更唔想同佢拗影響左我地咁美好既時光，我地連碟野幾多錢都費事問，繼續傾計。但這時開始D亞姐不停黑口黑面入黎執野催我地走(我地第一次話D野食仲要，因仲有淨，又唔知大家食飽未，但隔唔夠5分鐘又入黎，再5 分鐘又入黎，擺明趕客!) 我地只好埋單走。
埋單時，亞姐用冷冷的語氣突然話”$1804，無收你地碟糕錢啦!”我地又呆左，但仍禮貌地說多謝，可能亞姐冷不防我地會講多謝，佢又呆左。同事這時拿出信用卡想找數，亞姐又再串過”唔收卡架!食慣食熟唔係唔知規舉下麻!”嘩! 亞姐你認得我地邊個呀??? BOOK檯都講明未黎過啦，仲問你點行，食過就唔會唔知套餐唔包甜品，同埋你D送甜品手法咁特別啦!!!
最後我地俾左$16蚊貼士，因為我地唔想俾亞姐覺得我地存心拿佢著數。但我真係想佢明白，俾盡碟糕咪廿幾蚊，我地又唔係幫趁得少錢，但佢咁做令到在坐好多原本想返頭食同介紹俾朋友既人失望同卻步囉! 做生意唔係咁架!!!
我仍然俾OK佢，因平心而論佢D野好食!!!
開始明白OPEN RICE呢度攪飯局既人既辛苦同壓力，如果下次鼓得起勇氣，我都希望JOIN，因自己都覺得能夠食到一餐靚飯係一件幸福既事……………………
Post