Video
Read full review
2020-05-09
717 views
男友一直好想試呢度嘅蔥花蛋治，難得放假專登陪佢嚟。餐廳無門牌，喺門口猶疑咗一陣，忽然見到告示寫住店家嘅名，先知正係我哋要搵嘅海潮食堂 嗌咗幾款呢度嘅名物： 冰啡樂 $24咖啡同可樂係分開上嘅，可以調配啱自己嘅比例。開頭對呢杯嘢半信半疑，慢慢一邊將可樂逐少逐少加落咖啡一邊試味，竟然搵到咖啡同可樂嘅平衡點，可樂嘅甜中和咖啡嘅苦，過後會飲到兩者獨特嘅香味。正當斟酌緊自己飲嘅係可樂味嘅咖啡定咖啡味嘅可樂，已經不知不覺成杯飲曬 超薄奶油多 $13一望到實物已經知係脂肪同糖分嘅化身。大概用咗一塊普通厚度嘅方包對切而成。雖然盡顯廚師刀功，但個人覺得口感同一般多士分別不大。多上搽咗朱古力醬同牛油做夾心，再撒上阿華田粉同煉奶，每一啖都食到來自唔同食材嘅甜，甜得嚟好有層次，值得推介 蔥花蛋治烘底 $27反而冇咩特別，蛋炒得滑但唔夠咸，蔥花亦切得唔夠細碎。多士烘底做得幾脆但中間搽咗一層無熱過嘅牛油，食落肥膩咗但唔覺牛油香 五香肉丁手撕雞撈通粉 $42本身用五香肉丁做食材味道已經好出，手撕雞唔鞋但嚴格嚟講呢種做法只算係切雞。秘製蔥蓉係神來之筆，撈埋香好多。但美中不足係五香肉丁太多油，通粉唔係特別彈牙，食到尾有
嗌咗幾款呢度嘅名物：
冰啡樂 $24
咖啡同可樂係分開上嘅，可以調配啱自己嘅比例。開頭對呢杯嘢半信半疑，慢慢一邊將可樂逐少逐少加落咖啡一邊試味，竟然搵到咖啡同可樂嘅平衡點，可樂嘅甜中和咖啡嘅苦，過後會飲到兩者獨特嘅香味。正當斟酌緊自己飲嘅係可樂味嘅咖啡定咖啡味嘅可樂，已經不知不覺成杯飲曬
冰啡樂
34 views
0 likes
0 comments
超薄奶油多 $13
一望到實物已經知係脂肪同糖分嘅化身。大概用咗一塊普通厚度嘅方包對切而成。雖然盡顯廚師刀功，但個人覺得口感同一般多士分別不大。多上搽咗朱古力醬同牛油做夾心，再撒上阿華田粉同煉奶，每一啖都食到來自唔同食材嘅甜，甜得嚟好有層次，值得推介
超薄奶油多
39 views
0 likes
0 comments
蔥花蛋治烘底 $27
反而冇咩特別，蛋炒得滑但唔夠咸，蔥花亦切得唔夠細碎。多士烘底做得幾脆但中間搽咗一層無熱過嘅牛油，食落肥膩咗但唔覺牛油香
蔥花蛋治烘底
23 views
0 likes
0 comments
蔥蛋治烘底
23 views
0 likes
0 comments
五香肉丁手撕雞撈通粉 $42
本身用五香肉丁做食材味道已經好出，手撕雞唔鞋但嚴格嚟講呢種做法只算係切雞。秘製蔥蓉係神來之筆，撈埋香好多。但美中不足係五香肉丁太多油，通粉唔係特別彈牙，食到尾有少少膩
五香肉丁手撕雞撈通粉
39 views
0 likes
0 comments
好欣賞老闆巧妙地用常見食材做出新奇配搭，呢個價錢性價比都幾高，經過會再嚟TEA一TEA
Post
