鮨心 (Moved) New Location

想食高質日本菜，但係又唔想好似Omaskase果啲咁貴，呢度係您其中一個好選擇。前菜方面我地叫左螢光魷魚，充滿光澤嘅表面吸引，食落口爆開滿口肉汁嘅感覺特別，而且肉汁味道亦好濃香，即使係小食都想令人食更加多。刺身拼盤亦係日本餐廳必定會點嘅菜色，而質素最主要決定在食材嘅新鮮度。而呢一度嘅食材非常新鮮，每一塊魚嘅鮮味十足。再者，師傅將刺身切得好厚，經咀嚼後魚香魚油散發口腔，一試難忘。最後主食我地叫左鰻魚蛋包飯，蛋包飯底冇乜特別之處，所以重點都是鰻魚。鰻魚本身燒到外皮微焦，令到魚油散發哂出來，食落口甘香撲鼻，面配合住飯食就能夠減少油膩感。如果想食平少少嘅高質日本菜，呢度不失為一個好選擇。