Video
Read full review
2024-08-17
205 views
其實我係好怕太辣，所以去銅鑼灣嘅”小魚兒”之前係有啲擔心。尤其一辣嘅時候我就會會擤到成枱鼻水，非常失禮。幸好我嘅擔心係多餘。首先佢唔係淨係食烤魚，仲可以揀雞煲，唔辣嘅酸菜魚，甚至可以打邊爐食龍蝦，”辣”本身已經唔係呢度嘅唯一。就算好似我咁，又怕辣又要食烤魚😂，都可以好似我咁揀一條”海鱸魚” ($308)。海鱸魚本身可以揀唔同嘅配料，而每種配料都可以揀返相應嘅辣度同麻度，相當方便。以我為例就揀咗”鮮九葉花椒”，跟BB辣同中麻。另外係人都知我唔識蔥、洋蔥、芫荽，就可以好方便咁一次過喺QR度篩走晒佢哋😂。鱸魚本身味道鮮甜，嫩滑，味道豐富自然，辣到均衡容易接受。而最抵讚嘅係，雖然佢有個火喺下邊，但係條魚燒一晚都唔會燒鞋咗實咗，淨係呢樣嘢已經相當難得。跟住我哋仲叫咗啲小食，包括有特別嘅”椒鹽鴨血”。椒鹽鴨血就好似椒鹽豆腐咁，不過換上鴨血之後，更有質感咬口。我哋仲揀咗兩樣海鮮，”蒜香牛油燒扇”同”蒜香鮑魚”。扇貝唔使講，用勁多蒜蓉同牛油加落去，只要時間蒸得好就會好食，而事實上都係，而比較抵讚嘅係佢只賣$40兩隻。鮑魚亦都唔錯，$48兩隻亦都絕對唔貴了。在場見到其他人仲有加飲品放題，不過我哋冇叫到，
幸好我嘅擔心係多餘。首先佢唔係淨係食烤魚，仲可以揀雞煲，唔辣嘅酸菜魚，甚至可以打邊爐食龍蝦，”辣”本身已經唔係呢度嘅唯一。
就算好似我咁，又怕辣又要食烤魚😂，都可以好似我咁揀一條”海鱸魚” ($308)。海鱸魚本身可以揀唔同嘅配料，而每種配料都可以揀返相應嘅辣度同麻度，相當方便。以我為例就揀咗”鮮九葉花椒”，跟BB辣同中麻。
另外係人都知我唔識蔥、洋蔥、芫荽，就可以好方便咁一次過喺QR度篩走晒佢哋😂。鱸魚本身味道鮮甜，嫩滑，味道豐富自然，辣到均衡容易接受。而最抵讚嘅係，雖然佢有個火喺下邊，但係條魚燒一晚都唔會燒鞋咗實咗，淨係呢樣嘢已經相當難得。
跟住我哋仲叫咗啲小食，包括有特別嘅”椒鹽鴨血”。椒鹽鴨血就好似椒鹽豆腐咁，不過換上鴨血之後，更有質感咬口。
我哋仲揀咗兩樣海鮮，”蒜香牛油燒扇”同”蒜香鮑魚”。扇貝唔使講，用勁多蒜蓉同牛油加落去，只要時間蒸得好就會好食，而事實上都係，而比較抵讚嘅係佢只賣$40兩隻。鮑魚亦都唔錯，$48兩隻亦都絕對唔貴了。
在場見到其他人仲有加飲品放題，不過我哋冇叫到，埋單嗰陣有啲後悔，原來只係收$28一位🥲。
不過始終都係主人公嘅烤魚最好食，份量多肉質好，係會令人記得嘅川式美食。
Post
