新麻蒲 BBQ (波斯富街) (Closed)

又隔左排無食韓式燒肉而燒肉癮左起,行過銅鑼灣記見到新麻蒲bbq又突然諗起護心肉就決定衝上去食.2個人黎食怕太濟就無叫2人餐決定散叫.前菜十分豐富護心肉是常識吧,原來除左豬護心肉外仲新出左肉版護心肉不過今次都係點返原始版護心肉.護心肉醃好後外表好光滑,除左外層連少少脂肪外本身肉裏面都極少油脂.肉質夠煙靭得黎又唔會咬唔開,水準無退步.火山芝士泡菜炒飯用鐵板上一上枱炒飯外圍既芝士仲翻滾緊將芝士同炒飯趁熱撈匀好邪惡既配搭.炒飯加左芝士後泡菜味無咁辣芝士奶味較香食左咁多芝士已經好滿足.不得不提既係就算食到尾聲都一定要等到烤爐旁邊既蛋烤熟再夾起黎食!加左泡菜既雞蛋反而係成餐最期待既美食。